Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Ад Стаўбцоў да Наваельні па паўднёвай частцы Наваградскага ўзвышша

Фотаальбом

Так здарылася, што ў пятніцу ўвечары я апынуўся без веламаршрута на суботу - запланаваную калектыўную ПВД да Прыпяці прыйшлося перанесці куды-небудзь на больш позні тэрмін. Выхад быў толькі адзін - адчыніць анлайн-мапу "Глобуса Беларусі" і GPSies і хуценька накатаць сабе абсалютна новы маршрут. Абраў шлях праз Карэліцкі, Наваградскі і Дзятлаўскі раёны, бо там, на дзіва, дагэтуль яшчэ не ўвялі забарону на наведванне лясоў (у абсалютнай большасці раёнаў краіны праз спякотнае і сухое надвор'е гэтая забарона зараз дзейнічае - праўда, як кажуць, кантралюецца яна не надта сувора). Такія вось апантанна складзеныя маршруты звычайна пераўтвараюцца ў латэрэю - як паказвае практыка, мне вось значна цікавей катацца па маршрутах, над якімі ўжо пэўны час папрацаваў і паспеў "пражыць" імі і "настроіцца" на ніх. Тут жа можа апынуцца так, што маршрут будзе цікавы, а можа і так, што фігня прахадная нейкая выйдзе, якая нават не запоміцца. Ну а што выйшла менавіта з гэтага маршрута - пра гэта ўжо можаце, як звычайна, прачытаць пад катам

222063_original.jpg

01. Стартаваў ад Стаўбцоў
222362_original.jpg

02. Надвор'е ўраніцы было дрэнным, таму фотачкі первай паловы дня будуць шэрыя і пахмурыя. Старыя дамы ля стаўбцоўскага вакзала
222512_original.jpg

03. vmccaskey калісці замаўляў у мяне фотачку абраза на мясцовай стаўбцоўскай царкве. Ён пэўна ўжо сам забыўся пра гэтую замову, але я яе выканаў :)
222873_original.jpg

04. Нёман. Я ўжо ў сакавіку выкладваў фота гэтага месца падчас паводкі. Вось на гэтым фота бачна, якой шырыні Нёман у гэтым месцы на самой справе
223201_original.jpg

05. Ад Стаўбцоў у бок Старой Свержані вядзе палявая брукаваначка. Яна была галоўнай нагодай для мяне стартаваць менавіта са Стаўбцоў, а не з якой-небудзь кропкі, больш блізкай да Наваградскага ўзвышша
223234_original.jpg

06. Стаўбцы на гарызонце
223713_original.jpg

07. У Старой Свержані царква хоць ужо і дзейнічае, але выглядае як нейкая недабудова
223873_original.jpg

08. Траса М1
224100_original.jpg

09. Каціў-каціў нейкімі грунтоўкамі і гравійкамі у бок Міра, даязджаю туды, дзе трэба паварочваць - а там зарасло ўсё, ды так, што ўвогуле ну ніяк не пралезць. На шчасце, прыгадаў, што за кіламетр да гэтага праехаў іншы паварот у той жа бок, вярнуўся - і о шчасце, тая лясная грунтоўка, павіляўшы крыху па лесе, вярнула мяне на трэк. Там праехаў яшчэ які кіламетр - і зноў дарога зарасла. На шчасце, дакаціў да нейкай напаўжывой вёсачкі, а там нейкімі дарожкамі аб'ехаў-такі тое месца. Мясціны там, на памяжоўі Стаўбцоўскага і Карэліцкага раёнаў (гэта, калі што, яшчэ і вобласці розныя), слабазаселеныя, а дарог нармалёвых, як водзіцца, між глыбінкамі розных раёнаў няма
224439_original.jpg

10. Затое тымі дарожкамі ў аб'езд натыкнуўся на "неўлічанку" (даруйце мне маю бухгалтарскую тэрміналогію) ў выглядзе драўлянай ці то царквы, ці то капліцы на могілках ля вёскі Любна
224700_original.jpg

11. За Любна пачалася Гарадзенская вобласць. Вадзяны млын на рэчцы Міранцы
224940_original.jpg

12. А там ужо і да Міра з яго славутым замкам зусім недалёка
225096_original.jpg

13. У Міры прышлося перачакаць невялікі дожджык (заадно і перакусіў). Мірскі замак - бліжэй не паехаў, бо быў там ужо не раз
225403_original.jpg

14. Касцёл святога Мікалая. О, а вось і сонца выглянула!
225614_original.jpg

15. Далей было вельмі многа асфальту. Даляцеў да Вялікіх Жухавічаў. Здаецца, таксама рэшткі вадзянога млына на рэчцы Ушы
225980_original.jpg

16. Сажалка на рэчцы Ушы
226225_original.jpg

17. І сама рэчка Уша
226387_original.jpg

18. У Вялікіх Жухавічах ёсць цікавая драўляная царква (ажно 18 стагодзя) Св. Пятра і Паўла
226570_original.jpg

19. Пачынаюцца ўзгорыстыя краявіды Наваградскага ўзвышша
226913_original.jpg

20. У Цырыне
227197_original.jpg

21. Мясцовая царква-навадзел. Зроблена ў 1991 годзе на месцы старой царквы
227553_original.jpg

22. Каплічка
227760_original.jpg

23. Качу далей
228036_original.jpg

24. Тут цячэ рэчка Сервэч
228131_original.jpg

25. Яшчэ дзясятак кіламетраў асфальтам - і Варонча. Варонча была сваеасаблівым "водападзелам" вандроўкі - першыя 65 кіламетраў (менавіта столькі я і праехаў ад Стаўбцоў да Варончы) былі тым самым "прахадным" маршрутам, сваеасаблівым "пралогам" да астатняй дыстанцыі. Як звярнуў у Варончы - адразу стала цікавенька. Перш за ўсё - на старыя каталіцкія могілкі. Тут з 1989 года стаіць драўляная каталіцкая капліца - відавочна, яна ўжо не дзейнічае
228572_original.jpg

26. Шыльда на польскай мове праржавела
228720_original.jpg

27. "Глобус Беларусі" называе гэтыя могілкі "аднымі з самых цікавых негарадскіх могілак" Беларусі. Я неяк зусім не фанат могілак, але вось гэтыя тры помнікі спадабаліся - не львоўскі Лычаків, канешне, але таксама каларытненька
228940_original.jpg

28.
229343_original.jpg

29.
229536_original.jpg

30. Але галоўная цікавостка Варончы, канешне ж, не могілкі (дарэчы, хоць і называюць іх "старымі каталіцкімі" - нават шыльда такая непадалёк ад увахода вісіць - але ж, праваслаўных крыжоў я там бачыў таксама нямала ), а шыкоўны белы касцёл Святой Ганны (18 ст.)
229867_original.jpg

31.
229982_original.jpg

32. Вясковае возера
230300_original.jpg

33.
230584_original.jpg

34. А за вёскай брукаванка пайшла
230745_original.jpg

35. Краявіды Наваградчыны працягваюцца
231050_original.jpg

36. Ад Варончы да Плужын вяло некалькі кіламетраў досыць выдатненькай і маляўнічай дарогі
231291_original.jpg

37. З рэльефам, зразумела ж
231474_original.jpg

38. А пасля кіламетра лясной дарогі на самой мяжы Карэліцкага і Наваградскага раёнаў ужо і Плужыны выглянулі
231861_original.jpg

39. Вёсачка як вёсачка
232120_original.jpg

40. Хаткі Наваградчыны
232287_original.jpg

41. Гэта ўжо Мірацічы
232700_original.jpg

42. І тут брук. На Наваградскім узвышшы гэтага дабра хапае!
233321_original.jpg

43. Драўляную званіцу ўкаталі ў сайдынг
233001_original.jpg

44. Брукаваная вуліца
232818_original.jpg

45.
233631_original.jpg

46. Ад Мірацічаў усяго некалькі кіламетраў да Свіцязі
233835_original.jpg

47. Па беразе возера там ідзе сцежка, але амаль не кацілася, бо корні
234187_original.jpg

48. Час ужо быў на абед, таму прыпыніўся на беразе ля ўтульнага ўвахода ў возера і залез нагамі ў ваду. Праўда, прыйшлося з ежай у руках адыйсці далей ад берага, на сонца, бо камары :(
234277_original.jpg

49. Пасля Свіцязі папіліў яшчэ кіламетраў 15 да Ятры. Рэчка Ятранка. Усёльткі на такія невялічкія рэчкі катацца ёсць сэнс толькі вясной ці, мо, увосені, бо летам зарастаюць яны...
234558_original.jpg

50. Драўляны будыначак у Ятры прыстасаваны пад царкву
234806_original.jpg

51. Валун "Запольскі" ў вёсцы Заполле
235157_original.jpg

52. Малады ельнік
235346_original.jpg

53. Аўтобусны прыпыначак для хобітаў
235688_original.jpg

54. На фінішы маршрута быў шэраг з былых вадзяных млыноў. Першы, перад Стараельняй, яшчэ досыць добра захаваўся. Там, здаецца, нейкую чарговую аграсядзібу будуюць
235831_original.jpg

55. Сажалка на Ятранцы
236147_original.jpg

56. Гэта ўжо ў самой Стараельні, тут таксама млын быў
236434_original.jpg

57. Вадзічка празрыстая
236771_original.jpg

58.
237044_original.jpg

59. Непадалёк ёсць невялічкі драўляны Троіцкі касцёл, пабудаваны недзе ў часах распаду СССР на месцы старога касцёла, знішчанага падчас Другой сусветнай вайны
237202_original.jpg

60. І яшчэ адзін былы млын на ўсё той жа Ятранцы - у вёсцы Круцілавічы
237388_original.jpg

61. Апошні на гэты дзень кавалак брукаванкі - у Рабках
237608_original.jpg

62. І хуценька я быў ужо ў Наваельні, дзе і скончыў свой маршрут
237959_original.jpg

63. Будынак вакзалу там прыгожы - яшчэ б касіркі ўмелі выпісваць квіток на ровар, бо пакуль пані за шклом два разы кудысці патэлефанавала і змагла мне яго выбіць (прычым, як кажа yauhenk, там гэта звычайная з'ява), то я ледзь у краму за чарговай бутэлькай вады скатацца паспеў да цягніка
238216_original.jpg

Ну вось такая вось вандроўка, апошнія кіламетраў 40-45 вельмі спадабаліся

І, як звычайна

Страва:


Рэлайв (можаце і ў Інстаграм дадавацца, я там, бывае, анлайню свае вандроўкі больш аператыўна):
https://instagram.com/p/BkIpRpiBkWN
Tags: Беларусь, Большие Жуховичи, Воронча, Гродненская область, Кореличский район, Минская область, Мир, Новогрудская возвышенность, Новогрудский район, Новоельня, Нёман, Свитязь, Сервечь, Староельня, Столбцовский район, Столбцы, Уша, Цирин, Ятра, Ятранка, вело, вело-2018
Subscribe

Posts from This Journal “Гродненская область” Tag

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 16 comments