Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Бацька-Нёман: уздоўж ракі маршрутам марафону "Прынёманскі-2018"

Фотаальбом

У мяне працягваецца (ці, калі дакладней, ужо падыходзіць да канца) летні водпуск, таму з'яўляецца больш магчымасцяў скатацца куды-небудзь за горад. Так вось захацелася зноў пракаціцца берагамі Нёмана. Нядаўна тут прайшоў традыцыйны марафон "Прынёманскі"-2018, ад якога застаўся гатовы трэк, які быў "жэстачайшэ" спампаваны мной і перанесены на тэлефон :) Як высвятлілася, прыкладна на 2/3 ён супадаў з трэкам нашай вясновай трэш-вандроўкі па нёманскіх бродах падчас паводкі - ну вось і яшчэ адна падстава праехацца гэтым трэкам, пабачыць знаёмыя месцы ў летнім выглядзе. Карацей, вырашыў ехаць, а чаго я там накатаў - за гэтым заходзце пад кат, там многа фотачак Нёмана

205315_original.jpg

01. Стартаваў, як звычайна, першым лідскім цягніком на 5.11. У працоўны дзень (гэта быў чацвер 28 чэрвеня) у цягніку, як бачыце, быў сапраўдны "аншлаг"
205752_original.jpg

02. Ад станцыі Нёман да трэка марафону трэба было праехаць кіламетраў 5 уздоўж ракі ў напрамку Бярозаўкі
205949_original.jpg

03. Рака падчас нядаўняй засухі падмялела
206296_original.jpg

04. Дарожка ішла берагам
206545_original.jpg

05. З маста пад Бярозаўкай. Гэта я ўжо на самім трэку
206825_original.jpg

06. Адзін з нешматлікіх старых будынкаў Бярозаўкі
207034_original.jpg

07. І царква-навадзел. У прынцыпе, у Бярозаўцы асабліва і няма на што глядзець (ну, калі вас шклозавод мясцовы не цікавіць)
207147_original.jpg

08. Нейкая падробка пад старыню (напэўна, чарговая аграсядзіба)
207541_original.jpg

09. Тут дарога ішла да поймы ракі
207710_original.jpg

10. А вось і сам магутны Бацька-Нёман
207970_original.jpg

11.
208381_original.jpg

12. Некалькі кіламетраў трэк ішоў вельмі маляўнічым берагам ракі. У тых краях многа рыбакоў і адпачываючых, таму першыя кіламетры усё было цывільненька, з добранькай дарогай
208530_original.jpg

13.
208828_original.jpg

14. Дакаціў да бачнага на іншым беразе вусця нейкай рэчкі, зазірнуў на мапу - выявілася, Дзітва
209096_original.jpg

15.
209337_original.jpg

16. Вужыка ледзь не пераехаў
209440_original.jpg

17. Потым трэк пайшоў ад берага ракі да азёраў-старыц, дарога там пагоршылася
209756_original.jpg

18. Некалі гэта быў Нёман, зараз тут - толькі старыца
209959_original.jpg

19. Пайшлі, пясочкі радзімыя!
210290_original.jpg

20. Рэчка Крэмушоўка
210683_original.jpg

21. Выдатненькія лясныя дарогі
210928_original.jpg

22. Дужа файная брукаваначка ў вёсцы Васілевічы
210988_original.jpg

23.
211279_original.jpg

24. Дарога праходзіць міма сядзібы-фазенды вядомага беларускага спевака Зміцера Вайцюшкевіча - хутара "Вайцюшкі"
211735_original.jpg

25.
211581_original.jpg

Дарэчы, вось вам якраз досыць знакамітую (многія беларусы дык дакладна ведалі і чулі, спадзяюся) песню "Нёман" у яго выкананні:


26. На пару соцен метраў трэк вярнуўся да Нёмана
212040_original.jpg

27. На ці то другі сняданак, ці то абед прыпыніўся на высокім беразе малюсенькай рэчкі Асоцкі
212366_original.jpg

28.
212502_original.jpg

29. Быў і брод праз саму Асоцку. У якой сотні-другой метраў адсюль яна ўпадае ў Нёман
212829_original.jpg

30. І дарога лугам ля самога Нёмана
213194_original.jpg

31.
213381_original.jpg

32.
213679_original.jpg

33. Часам на рацэ выспы можна пабачыць
213951_original.jpg

34. А гэты кадр - ужо з маста на трасе Р5, паміж Наваградскім і Іўеўскім раёнамі (калі быць больш дакладным, то тэрытарыяльна тут такі абодва берагі ракі да Іўеўскага раёна адносяцца - мяжа паміж раёнамі праходзіць не па рацэ, а дзесьці ў кіламетры на поўдзень)
214210_original.jpg

35. Да маста я рухаўся ўздоўж ракі уверх па яе цячэнню, за мастом трэк развярнуўся ў іншы бок, і цяпер я ўжо ехаў уніз па цячэнню, правым берагам ракі. Той самы мост праз Нёман на трасе Р5, з якога я рабіў папярэдні кадр
214467_original.jpg

36. Спачатку было некалькі кіламетраў файнай дарогі па пойме
214727_original.jpg

37. Месца сакавіцкага "падвоенага броду". Адно і тое ж месца вясной і летам, толькі ракурсы розныя - можаце параўнаць
214979_original.jpg

215046_original.jpg

38. І зноў рака. Яна тут паступова адваёўвае сабе прастору - у прынцыпе, мясцовыя жыхары ўжо прабілі сабе аўтамабільную дарогу замест гэтай крыху далей, праз лясок
215446_original.jpg

39. Вёска Морына. Тут давялося пакатацца паміж двумя вясковымі крамамі, бо якога-небудзь халоднага напою хацелася, а ў абедзвюх крамах ў халадзільніках толькі піва трымалі, негадзяі :(
215614_original.jpg

40. Царква ў Морына
215872_original.jpg

41. Морынскі гламур з чорным марозівам расійскай вытворчасці. Так сабе, дарэчы - ня надта смачна (каб у спеку пад +30 - і марозіва не спадабалася!), ды і стаканчык прама ў руках развальваўся
216261_original.jpg

42. Далей некалькі кіламетраў ляцеў даволі хутка, пакуль не даехаў да трасы М6. Яна зараз перажывае рэканструкцыю, і якраз у гэтым месцы ў гэты момант дарожнікі клалі новы асфальт. Дарэчы, і трэк марафону ішоў не самой трасай, а нейкай грунтоўкай, якая павінна была ісці ўздоўж трасы. Вы гэтую "грунтоўку" якраз бачыце ў левай частцы кадра :) Так, там усё было разбіта тэхнікай
216459_original.jpg

43. Я сумленна паспрабаваў каціць трэкам, але вось пасля гэтага моманта вырашыў лезці-такі на верх. Там і нейкія дарожнікі з падпітымі тварамі зверху пачалі крычаць: "Калі няма чаго рабіць, дык ідзі да нас працаваць, а не фігнёй займацца" (ну, вы разумееце, сапраўдны тэкст гэтай фразы мая цэнзура не прапусціла, бо інакш гэты пост яшчы ў катэгорыю 18+ тут аднясуць, гы)
216649_original.jpg

44. Наверсе можна каціць, хоць і небяспечна і зусім няўтульна
216939_original.jpg

45. Рэчка Гаўя. За Гаўяй я пакінуў трасу М6, і там мяне чакаў дзясятак кіламетраў досыць цяжкіх дарог, пакуль такі пад Дакудава ненадоўга не выкаціў на асфальт
217322_original.jpg

46. Вёска Дакудава
217490_original.jpg

47. І зноў Нёман
217732_original.jpg

48.
217947_original.jpg

49. І яшчэ адно фота з серыі "вясна-лета". Тут у сакавіку ў нас таксама быў брод
218525_original.jpg

218326_original.jpg

50. Старыца ці то Нёмана, ці то Дзітвы
218762_original.jpg

51. Раптам сярод лесу сустрэў нечаканы кавалак цывілізацыі
219108_original.jpg

52. Таямніца адкрылася за паваротам, дзе выявіўся нейкі санаторый
219230_original.jpg

53. А хутка ўжо і да фазэндаў на Дзітве даехаў
219467_original.jpg

54. І зноў "вясна-лета"
219991_original.jpg

219790_original.jpg

55. Качу ўздоўж Дзітвы ў бок Нёмана
220355_original.jpg

56. Потым дарога паварочвае ў лес, пара кіламетраў лясной дарогі...
220510_original.jpg

57. ...і перад мной ўжо чарговы раз магутная плынь Нёмана. Прычым, у бок вусця Дзітвы ні сцяжынкі не бачыў
220878_original.jpg

58. Далей пайшла самая цяжкая частка трэка. Удзельнікам марафону было, напэўна, прасцей, чым мне, бо гэты кавалак яны праходзілі практычна на пачатку гонкі - старт там быў недзе перад Дакудавым. Я ж праходзіў яго напрыканцы трэка, калі ўжо і стаміўся, і да цягніка часу не так ужо і многа засталося. Там была не самая лепшая вузкая лясная сцежка, якая ўвесь час ішла ўверх ці ўніз
220959_original.jpg

59. Але нарэшце - той самы мост праз раку пад Бярозаўкай. Усё, маршрут пройдзены!
221278_original.jpg

60. Засталося толькі дапіліць апошні пяток кіламетраў да станцыі Нёман
221582_original.jpg

61. Вось і яна. Да цягніка заставалася яшчэ хвілін 20 - хапіла бы нават затаварыцца харчамі ў вясковай краме (станцыя Нёман стаіць у досыць немаленькай вёсцы Сялец), калі бы яна не была зачыненая (хоць і павінна была працаваць, калі верыць шыльдзе ля ўвахода). Фінішаваў на 16.58 дызель-цягніком Ліда-Баранавічы
221870_original.jpg

Вось такая вось выйшла вандровачка. Агульны трэк не пакажу, бо не маю - Страва чарговы раз глюкнула, на гэты раз капітальна, ну яе, дастала ўжо. Па кіламетражу там кіламетраў 85-90 было.

Дзякуй за ўвагу!
Tags: 2018, Беларусь, Берёзовка, Гавья, Гродненская область, Дитва, Ивьевский район, Лидский район, Морино, Новогрудский район, Нёман, вело-2018, река
Subscribe

Posts from This Journal “Нёман” Tag

promo elgatomarinero7 august 15, 11:30 4
Buy for 10 tokens
Гэтым разам я распавяду вам пра сапраўды спякотную і летнюю (хоць каляндарна яна і адбылася 23 траўня - але травень у гэтым годзе атрымаўся, напэўна, больш летні за які-небудзь ліпень) вандроўку паўночна-заходнімі раёнамі. Стартаваў на станцыі Гаўя ў ваколіцах Іўя, праехаў на поўдзень у бок…
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 20 comments