Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Па паўднёвых раёнах Мінскай вобласці: Сераднякі-Грозава-Капыль-Нясвіж-Гарадзея

Фотаальбом

У гэтыя дні адбываецца вельмі значная падзея ў гісторыі Беларусі - да нас з двухтыднёвым турам з Пскова прыкаціў рэвізор сам ak1961. Прайсці міма гэтай падзеі я ніяк не мог, таму ў суботу мы з victogan зладзілі вандровачку ў паўднёвыя раёны Мінскай вобласці

190608_original.jpg

Перадгісторыя вандроўкі была такая - мы з Андрэем калісьці дамовіліся, што 14 ліпеня я вольны, таму калі ён будзе дзесьці недалёка ад Баранавічаў, то абавязкова перакрыжуемся. Але дрэннае надвор'е так затрымала яго, што толькі ў аўторак я атрымаў паведамленне, што яны з сынам зрэшце перасяклі мяжу ля Езярышча. Ад Езярышча да Баранавічаў - амаль уся краіна, таму я ўжо падумаў, што не паспеюць да нас - ды і дамовіліся з Віцем скатацца на Выганашчанскае возера (я там ніколі не быў, Віця быў не раз, але рады туды вярнуцца). І вось у пятніцу вечарам атрымоўваю СМС - "заўтра будзем у 1 гадзіну дня ў Капылі". Я б не дараваў сабе, калі б абмінуў магчымасць пазнаёміцца з Андрэем ужывую, таму хуценька затэлефоніў Віце - і мы ўжо перарабляем нанава ўвесь маршрут. А што Выганошчы... Выганошчы нікуды ад нас не пацякуць, думаю, што ў гэтым годзе я туды абавязкова скатаюся

01. Смецце
190972_original.jpg

02. Слуцкі цягнік прыкладна ў 10 гадзін раніцы прывёз нас на п.п.Сераднякі, гэта амаль пад Слуцкам. Віця адразу ўзяўся за любую справу - чыгуначнастанцыяфатаграфаванне. Чакайце хутка на "Фоталініях"! :)
191099_original.jpg

03. Вёсачка Барок. Па ўсёй вёсцы раскіданы такія вось камяні з шыльдачкамі з асноўнымі падзеямі гісторыі вёсачкі. Вельмі зручна, на самой справе. Звычайна каціш праз такую вёску, пару разоў шчоўк-шчоўк фоцікам - і далей, так нічога і не даведаўшыся пра гэты населены пункт. А тут вось мы праехалі - і ведаем, што заснавана вёска ў 1499 годзе; што папярэдняя назва - Баслаўцы; што была, відавочна, тут яшчэ адна вёска - Волгін; і яшчэ шмат чаго карыснага...
191320_original.jpg

04. Галоўная архітэктурная памятка вёскі - цікавая і досыць арыгінальная царква пачатку 20 стагоддзя
191529_original.jpg

05.
191828_original.jpg

06. Салдацік і буслік
192059_original.jpg

07.
192485_original.jpg

08. За Барком з'ехалі з асфальту на грунт. Пасля дажджоў грунтовыя дарогі часцяком у лужынах
192764_original.jpg

09. Вадасховішча з вялікім востравам пасярэдзіне
193007_original.jpg

10. Месца праваслаўнага адпачынку. Як ужо напісаў Віця, брудненька там было
193104_original.jpg

11. Далей нам было патрэбна пераскочыць з Слуцкага ў Капыльскі раён. Як вядома, між раёнамі добрыя мясцовыя дарогі часцяком становяцца дрэннымі, а дрэнныя мясцовыя дарогі могуць і знікнуць. Тут была дрэнная дарога - і яна амаль знікла
193389_original.jpg

12. Віця ў джунглях. Калі вам не падабаюцца фотачкі Віцінай спіны, то вы зажраліся, добрая ў яго спіна :р
193761_original.jpg

13. Паспрабавалі аб'ехаць джунглі грунтоўкай, але яна прывяла нас у кар'ер, і шансаў на тое, што за кар'ерам будзе дарога, было нямнога
193996_original.jpg

14. Прыйшлося вяртацца ў джунглі. Там спачатку была нейкая сцежка, потым праз крапіву прадзіраліся
194125_original.jpg

15. Пасля крапівы бураковым полем каціць было ўжо нескладана
194384_original.jpg

16. А бураковае поле ўжо ў Капыльскім раёне было. Ды будуць вам фотачкі Віцінага твару, не перажывайце!
194613_original.jpg

17. Полюшка-поле
194985_original.jpg

18. Капыльскі раён і сам невыразны нейкі, і знакі дарожныя там малюсенечкія
195210_original.jpg

19. Палі
195569_original.jpg

20. Тут пачынаюцца Капыльскія ўзгоркі, таму дарога ішла ўверх-уніз
195726_original.jpg

21. Гразавок. Рэшткі сядзібы зарастаюць
196013_original.jpg

22. Залішкі былога багацця
196234_original.jpg

23.
196508_original.jpg

24. Зазірнулі ў Грозава (ці Грозаў). Там не так даўно рэшткі былой шыкоўнай сядзібы-палацу нехта купіў, пачаў будаваць санаторый, ды хутка спыніў гэтую справу. Праінспектавалі - у параўнанні з мінулым годам нічога не змянілася
196781_original.jpg

25. Святое месца - помнік у гонар Слуцкага збройнага чыну
197107_original.jpg

26.
197330_original.jpg

27. Да прызначанага часу сустрэчы заставалася меньш за гадзіну, таму ад Грозава мы пакацілі на Капыль. Але не роўнай прамой 15-кіламетровай дарогай, якой бы мы да Капыля за якія 30-40 хвілін даляцелі, а нейкімі мясцовымі дарогамі крыху на поўнач ад трасы. Спачатку асфальт быў роўны ды хуткі, а краявіды - вельмі прывабненькія. Ляцелі - і глядзелі па баках. Але раптам нешта пайшло не так - трэк звярнуў з асфальту, а там дарогі ніякай не выявілася - проста кукурузнае поле. Праз кукурузнае поле прабіліся, там дарога не з'явілася, але каціць стала прасцей. Віця прыпыніўся, каб сфоткаць мяне
197585_original.jpg

28. Далей быў яшчэ кавалачак крапівы, потым проста лясная дарожка, потым пачаўся дожджык, потым я заглядзеўся на мапу і ўляцеў прама ў кола Віцінага ровара, не заўважыўшы, што ён прыпыніўся - пакуль выпраўлялі, пакуль вырульвалі на шашу - ў Капылі былі толькі ў дзве гадзіны дня. Праўда, як выявілася, Андрэй з сынам таксама трохі спазніліся і прыехалі не намнога раней за нас. Вось і сам ak1961
197733_original.jpg

29. Віця і яго сябры-падапечныя
197921_original.jpg

30. Сам Капыль - гарадок досыць дэпрэсіўненькі, лічу яго адным з найбольш "страшненькіх" беларускіх райцэнтраў
198345_original.jpg

31. Андрэй планаваў каціць да Нясвіжа праз Цімкавічы, але гэта быў круг кіламетраў на 15 (ці нават 20), ды яшчэ і досыць запружанай няўтульнай шашай. Віця, які, напэўна, за столькі год абкатаў усе дарогі ў аколіцах Баранавічаў і суседніх раёнах, адразу прапанаваў каціць больш прамой дарогай - праз Салтанавічы. Выявілася, што там досыць добрая асфальтавая дарога, з дастаткова прывабнымі краявідамі і з зусім нячастым трафікам - катай не хачу :)
198423_original.jpg

32. Ну, мы і кацім. Далей было кіламетраў 30 прыемнага маляўнічага матрасінгу-асфальтынгу - таксама час ад часу карысна. Капыль яшчэ на гарызонце
190608_original.jpg

33. Збіраліся хмары
198718_original.jpg

34. Жаўнерчык
199013_original.jpg

35. Віця і аўта-агра-трэш
199341_original.jpg

36. Пацейкі
199620_original.jpg

37. Цывілізаваная вёсачка, нават такі вось "алімпійскі" парк у цэнтры ёсць
199797_original.jpg

38. Нават станцыя буккросінга знайшлася
200135_original.jpg

39. З большага - макулатура нейкая. Хаця вось і Драйзер ёсць, напрыклад
200201_original.jpg

40. Агульны выгляд міні-парка
200544_original.jpg

41. Хмара падыйшла настолькі блізка, што мы нават схаваліся на некаторы тэрмін ад яе на першым жа аўтобусным прыпыначку
200877_original.jpg

42. Але зрэшце пабачылі, што праходзіць яна міма і бокам, таму пакацілі далей
201200_original.jpg

43. Дот
201307_original.jpg

44. Троіцкая царква 1826 года ў Салтанаўшчыне
201515_original.jpg

45. Стары адміністратыўны будынак пачатку 20 стагоддзя
201769_original.jpg

46. Фота на памяць
202223_original.jpg

47. З іншага боку падыходзіла новая хмара - дзякуй, што яна ўжо не гразавая была
202295_original.jpg

48. У некалькі кіламетрах ад Нясвіжа Віця знайшоў пскавічукам стаянку на беразе нейкай чарговай сажалкі, дзе яны і размясціліся на надыходзячую ноч
202527_original.jpg

49. Фота на памяць
202818_original.jpg

50. Суровы паходны побыт
203027_original.jpg

51. Маляўнічай дарогай рушылі ў бок Нясвіжа
203430_original.jpg

52. Андрэй таксама скатаўся з намі да першай крамы
203738_original.jpg

53. Аўтасервіс у будынку 1928 года
203846_original.jpg

54. Тут мы пакінулі Андрэя і пакацілі на апошнюю частку трэка - у Гарадзею. Ехалі праз Нясвіж, да замку жадання паварочваць не было, таму на гэты раз абмежаваліся толькі цэнтральнай плошчай і Ратушай. Тым болей, хмара з №47 усё набліжалася і набліжалася
204188_original.jpg

55. Нясвіж сучасны. Што мне не падабаецца ў Нясвіжы - дык гэта доўгі-доўгі няўтульны выезд у паўночны бок
204399_original.jpg

56. Бліжэй да Гарадзеі такі патрапілі пад дождж
204789_original.jpg

57. А ў Гарадзеі ўжо было сонейка
204913_original.jpg

58. Адтуль электрычкай вярнуліся ў Баранавічы
205113_original.jpg

Справавзачу ад Віці (там жа ёсць і трэк, бо ў мяне Страва на гэты раз зноў глюкнула, за што хутка будзе выдалена) абавязкова чытайце ТУТ
Tags: Беларусь, Борок, Городея, Грозово, Копыль, Копыльский район, Минская область, Несвиж, Несвижский район, Потейки, Слуцкий район, Солтановщина, вело, вело-2018
Subscribe

Posts from This Journal “Минская область” Tag

promo elgatomarinero7 august 15, 11:30 4
Buy for 10 tokens
Гэтым разам я распавяду вам пра сапраўды спякотную і летнюю (хоць каляндарна яна і адбылася 23 траўня - але травень у гэтым годзе атрымаўся, напэўна, больш летні за які-небудзь ліпень) вандроўку паўночна-заходнімі раёнамі. Стартаваў на станцыі Гаўя ў ваколіцах Іўя, праехаў на поўдзень у бок…
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 25 comments