Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Бабруйск - ч.1. Станцыя "Бярэзіна", Бабруйская крэпасць і рака

Фотаальбом

Папярэдняя частка: Жлобін і Чырвоны Бераг

Каб не пісаць адзін вялікі артыкул, пра Бабруйск зраблю дзве часткі справаздачы. Першая частка будзе прысвечана тэрыторыі былой вялізарнай Бабруйскай крыпасці і прылягаючым да яе раёнам горада, другая - прагулянцы сучасным цэнтрам горада

Ад Чырвонага Берага да Бабруйска электрычка ехала прыкладна гадзіну, гэты час я намагаўся хоць трошкі паспаць пасля начнога сядзення на жлобінскім вакзале і ранішняга шпацыру: ці то атрымалася, ці то не - я так і не зразумеў. У Бабруйску ёсць дзве станцыі - "Бабруйск" і "Бярэзіна". Апошняя знаходзіцца практычна на тэрыторыі былой крэпасці, таму я вырашыў сыйсці тут, каб не марнаваць час дарогай ад цэнтральнага вакзалу да гістарычнага цэнтру горада (яны знаходзяцца даволі далекавата адзін ад аднаго).

01. Вакзал станцыі "Бярэзіна" - вельмі адметны гістарычны будынак "імперскіх" часоў, пабудаваны ў 1908 годзе. У самым канцы дня я пабываю і на галоўным гарадскім вакзале, там будынак яшчэ на 8 гадоў старэйшы, але ўжо ў гэтым стагоддзі яго закранула "еўрарамонтная" рэстаўрацыя, ў выніку якой на будынак наляпілі ўсялякай сучаснай фігні, то бок такой ужо вялікай цікавасці ён зараз не выклікае. А гэты вакзал, на другараднай гарадской станцыі, стаіць сабе, відавочна, у гістарычным выглядзе. Хаця можа калі і да яго калі-небудзь хутка рука "ганьба-рэстаўратараў" дойдзе
119811_original.jpg

02. А ўсярэдзіне - такі вось файны рэлікцік савецкіх часоў
120251_original.jpg

03.
120504_original.jpg

04. Выгляд з невялічкай Прывакзальнай плошчы (якую б больш правільна было назваць "Прывакзальным дворыкам", бо нейкая яна там зусім маленькая і несур'ёзная)
120608_original.jpg

05. Паблізу цячэ Бярэзіна - праўда, знайсці месцы, дзе да яе можна выйсці, вельмі складана. Я так і не найшоў, бо там усюды нейкія прамысловыя зоны. Хіба што праз былы суднарамонтны завод (зараз не працуе), але там досыць нядобрыя на выгляд сабакі бегалі (ды і бераг там надта забруджаны ўсялякім металаломам быў)
120990_original.jpg

Бабруйская крэпасць была пабудавана ў 1810-12 гг. да ўжо надыходзячай тады вайны з напалеонаўскай Францыяй. Спачатку планавалася пабудаваць крэпасць ля Рагачова на Дняпры, але ў выніку вырашылі, што Бабруйск на Бярэзіне з стратэгічнай кропкі гледжання больш выгадны. Будавалі на месцы, дзе тады і стаяў горад (то бок, як і ў Берасці, быў знішчаны ўвесь тагачасны гістарычны цэнтр горада), людзі ж высяляліся на вольныя месцы вакол сцен крэпасці. Таму і выглядае горада зараз на мапах так нязвыкла: аграмадная амаль пустая і закінутая прастора паміж Бярэзінай і чыгункай і разыходзячыяся ад гэтай прасторы "промнямі" гарадскія вуліцы. Пасля вайны 1812 г. крэпасць дабудоўвалася (будаўніцтва было скончана ў 1836 г.), але вельмі хутка яна страціла значэнне і ўжо ў 1897 г. была скасаваная, а потым была яшчэ і значна пашкоджана ў час Другой сусветнай. Вось такі вось сумны лёс... І горада, і самой крэпасці.

Зараз ад крэпасці засталіся раскіданыя па вялікай тэрыторыі фрагменты, а мапа горада на ОСМ пужае далёкага ад ваенна-гістарычнай тэматыкі чалавека невядомымі словамі-подпісамі накшалт "люнет", "рэдзюіт", "равелін" і г.д. Частку тэрыторыі займае дзеючая дагэтуль в/ч

06. Першы кавалак крэпасці сустрэў ужо амаль ля самога вакзала
121192_original.jpg

07. Адразу ж паглыбіўся ў нейкія нялюдныя мясціны - нібыта і не ў горадзе знаходжуся, а хажу дзесьці па сельскай мясцовасці
121582_original.jpg

08. Пабудовы крэпасці нават з інвентарнымі нумарамі
121815_original.jpg

09. У кагосьці хаткі праз дарогу ад былога бастыёна
121862_original.jpg

10. Мне ж трэба лезці наверх
122297_original.jpg

11. Да былога іезуіцкага касцёла 18 ст. (перабудаваны ў 19 ст. пад шпіталь). Зараз ён закінуты, тэрыторыя агароджана, і да самога касцёла не прабрацца
122501_original.jpg

12. Тут ужо пачынаецца больш рэгулярная забудова і прамзоны знікаюць. Вядзе да касцёла брукаваная дарога
122743_original.jpg

13. Недабудаваная царква і закінутыя казармы. Закінутых будынкаў у Бабруйску ўвогуле для беларускага горада нешта мнагавата - што на тэрыторыі крэпасці, што ўжо ў самім горадзе
123134_original.jpg

14. Што дзіўна, раён зусім глухі, слядоў жыцця зараз увогуле не бачна, ды і дарогі сюды нармалёвай няма, але два разы на дзень гарадскі аўтобус сюды ходзіць
123149_original.jpg

15. Яшчэ "закінуткі"
123428_original.jpg

16. Зрэшце выйшаў да больш "афіцыйнай" часткі крэпасці
123726_original.jpg

17.
123907_original.jpg

18. Карацей, Бабруйская крэпасць зараз - гэта аграмадная гарадская прастора, дзе час ад часу на адлегласці адна ад адной раскінутыя нейкія руіны
124399_original.jpg

19.
124471_original.jpg

20. А пасярэдзіне ўсяго гэтага - аграмадная плошча з 7-тысячнай хакейнай Бабруйск-Арэнай. Яе пабудавалі калісьці, калі планавалі правесці чэмпіянат свету па хакеі ў Менску і Бабруйску, але ўжо пасля пабудовы перадумалі і вырашылі пабудаваць яшчэ адзін 7-тысячнік - у мінскай Чыжоўцы, дзе у выніку і правялі гульні ЧС-2014. Бабруйску ж, гораду без хакейных традыцый, застаўся такі вось гігант
124789_original.jpg

21. Нібыта вялізарная лятаючая талерка
125015_original.jpg

22. Проста нейкія старыя будынкі, мяжуючыя з тэрыторыяй крэпасці - думаю, што не памылюся, калі назаву іх былымі казармамі
125292_original.jpg

23.
125521_original.jpg

24. І царква святога Георгія пачатку 20 ст.
125741_original.jpg

25. Адтуль я накіраваўся міма будынкаў старых казармаў і дзеючай в/ч да працякаючай ускраінай горада Бярэзіны
126092_original.jpg

26. Зоны адпачынку
126358_original.jpg

27. Па шчырасці, Бярэзіна там, як бачыце, не надта маляўнічая
126594_original.jpg

28. Пойма ракі
126765_original.jpg

А далей я рушыў у цэнтр горада. Сам Бабруйск, забягаючы наперад, мне спадабаўся і я яго раю для наведвання. А што менавіта там цікавага і што я там пабачыў - аб гэтым распавяду ў наступны раз. Дзякуй за ўвагу!
Tags: Беларусь, Березина, Бобруйск, Бобруйская крепость, Могилёвская область
Subscribe

Posts from This Journal “Беларусь” Tag

  • Ад Гарыні да Прыпяці, v.3.0: Бухлічы-Пінск

    Вясновыя вандроўкі на "Крайні Поўдзень" Беларусі, у Століншчыну, становяцца добрай традыцыяй - катаюся туды я ўжо трэці год запар, і кожны раз…

  • Мазыр

    У нядзелю 31 сакавіка валейбольна-заўзятарскія справы занеслі мяне ў іншы куток краіны - у горад Мазыр Гомельскай вобласці. Але да глядзення на тое,…

  • Слонім-Дзятлава-п.п.Клішавічы

    Яшчэ адна роварная вандроўка, што адбылася ў нядзелю 17 сакавіка. Паколькі напярэдадні ўвесь дзень з перапынкамі ішоў дождж, то гэтым разам абраў…

  • Палонка-Дзераўная-Выгада

    Звычайна такія вось вандроўкі выходнага дня я больш-менш дасканала планую, едучы загадзя намаляваным трэкам (ну, часам і адхіляючыся ад яго -…

  • Ваўкавыск-Пружаны-Аранчыцы

    Пачынаць распавяданне з тэмы надвор'я - хіба нешта можа быць больш банальненька, але што тут рабіць, калі з роварнымі вандроўкамі без гэтага ўвогуле…

  • Баранавічы-Паўлінава-Грыцавец

    Да нас ужо ўпэўнена набліжаецца вясновы час, і снега практычна няма, таму трэба працягваць сезон роварных катанак - тым болей, было ў суботу на гэта…

  • Вераснёвая Віцебшчына - ч.5. Верхнядзвінск-Обаль-Шуміліна

    Папярэднія часткі: Вераснёвая Віцебшчына - ч.1. Смаляны Вераснёвая Віцебшчына - ч.2. Лепель Вераснёвая Віцебшчына - ч.3. Глыбокае Вераснёвая…

  • Вераснёвая Віцебшчына - ч.4а. Полацк

    Папярэднія часткі: Вераснёвая Віцебшчына - ч.1. Смаляны Вераснёвая Віцебшчына - ч.2. Лепель Вераснёвая Віцебшчына - ч.3. Глыбокае Вераснёвая…

  • Вераснёвая Віцебшчына - ч.4. Дзісна

    Папярэднія часткі: Вераснёвая Віцебшчына - ч.1. Смаляны Вераснёвая Віцебшчына - ч.2. Лепель Вераснёвая Віцебшчына - ч.3. Глыбокае На шчасце,…

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 12 comments