Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Бабруйск - ч.2. Горад

Фотаальбом

Папярэднія часткі:
Жлобін і Чырвоны Бераг
Бабруйск - ч.1. Бабруйская крэпасць


У старога Бабруйска цікавы, але цяжкі лёс. Пра тое, што гістарычны цэнтр горада, які мясціўся на беразе Бярэзіны, быў знішчаны пад час будаўніцтва Бабруйскай крэпасці, я ўжо пісаў у папярэдняй частцы. Дык вось, новы гістарычны цэнтр XIX стагоддзя (амаль цалкам драўляны, дарэчы - была тут забарона на будаўніцтва дамоў з цэглы за межамі крэпасці) быў у сваю чаргу знішчаны ў 1902 годзе ў выніку моцнага пажару, які пачаўся на станцыі Бярэзіна (памятаеце, што там будынак вакзалу быў пабудаваны акурат у 1908 годзе, пасля гэтага пажару?). То бок, бабруйская сучасная даўніна - не такая ўжо і даўніна на самой справе. Але яе там хапае.

107589_original.jpg

Бабруйску з турысцкай кропкі гледжання ці то не пашансавала, ці то пашансавала. Ільф з Пятровым, анекдоты і сучасны інтэрнет-фальклор зравілі так, што гэты горад часцяком успрымаецца з усьмешкай: "хі-хі, Бабруйск, хі-хі, высокакультурнае месца, хі-хі...". Каюся, мяне таксама трошкі гэта закранула і я доўга не разглядаў сёмы па вялічыні горад краіны як патэнцыяльны напрамак вандроўкі. Але ж зараз магу казаць упэўнена: Бабруйск - вельмі цікавае месца, і я яго раю да наведвання. Тут ёсць паўнавартасны, хоць і зусім невялікі, гістарычны цэнтр (хоць і не такі ўжо, на самой справе, стары), што для беларуских гарадоў (асабліва на ўсходзе краіны) даволі рэдка, тут ёсць многа ўсялякай даўніны... Праўда, ня вельмі акуратны, ёсць такое, ды і закінутак многа - часам нават здавалася, што я дзе-небудзь у Яраслаўшчыне, а не на Магілёўшчыне. Але, паўтару, мне Бабруйск спадабаўся

01. Але пакуль дарога склалася так, што пачаў я з новых раёнаў. Помнік маракам Дняпроўскай флатыліі, якія загінулі падчас вызвалення Бабруйска
107873_original.jpg

02. Трапіў пад залеву, ад якой схаваўся на аўтобусным прыпынку
108181_original.jpg

03. Царква-новабудоўля
108526_original.jpg

04. Будынак пажарнага дэпо
108741_original.jpg

05.
108877_original.jpg

06. Адзін з самых знакамітых будынкаў горада - касцёл Дзевы Марыі (1901-03 гг.). За савецкім часам яго часткова зруйнавалі і дабудавалі сюды адміністратыўны будынак домабудаўнічага камбіната. Ужо ў нашыя часы "касцёльная" частка будынка была зноў перададзена вернікам. Менавіта так, "пярэдняя частка" касцёла пераходзіць у гэта пяціпавярховы будынак на заднім плане, ніякага праходу між будынкамі няма
109293_original.jpg

07. Як бачыце, надвор'е зусім сапсавалася, часам ішоў дождж, таму людзей, нягледзячы на "праменандны" час - вечар суботы - было ў горадзе зусім мала
109548_original.jpg

08. Галоўны гарадскі стадыён - "Спартак"
109684_original.jpg

09. Ну і яшчэ адна з галоўных славутасцяў горада - драўляны дом купчыхі Кацэнельсон (а па некаторых звестках - былы дом рабіна), 1912 г.п.
109925_original.jpg

10.
110332_original.jpg

11. У горадзе многа ціхіх і ўтульных вулачак
110473_original.jpg

12. Старая воданапорная вежа (зараз тут рэстаран)
110770_original.jpg

13.
111031_original.jpg

14. І як жа без Шуры Балаганава
111146_original.jpg

15. Літаратурны баян
111564_original.jpg

16. Большая частка забудовы цэнтральнай часткі горада - вядома ж, "савецік"
111691_original.jpg

17. Цэнтральная плошча, як часцяком бывае ў такіх гарадах, вялізарная, пустая і няўтульная
112015_original.jpg

18. Бабруйск - ледзь не самая сталіца беларускіх ласункаў, таму не забегчы ў фірмовую краму за зефіркамі і мармеладам мясцовай фабрыкі я ніяк ня мог :)
112193_original.jpg

19.
112487_original.jpg

20. Працягваю трапляцца на на розную архітэктурную даўніну
112670_original.jpg

21. Ці проста на "савецік"
112954_original.jpg

22.
113286_original.jpg

23. Свята-Нікольскі кафедральны сабор
113589_original.jpg

24. Даўніны ўсё больш
113667_original.jpg

25. Драмтэатр мясцовы носіць імя вядомага беларускага драматурга Вінцэнта Дуніна-Марцікевіча, які нарадзіўся зусім недалёка ад Бабруйска
113993_original.jpg

26. Старыя куткі горада
114371_original.jpg

27. Плошча Перамогі
114596_original.jpg

28. Вось і пайшла старая забудова
114729_original.jpg

29. Ад плошчы Перамогі ідзе невялічкі пешаходны кавалак Сацыялістычнай вуліцы - сэрца гістарычнага цэнтра сучаснага Бабруйска
115063_original.jpg

30.
107589_original.jpg

31.
115286_original.jpg

32. Яшчэ адно пажарнае дэпо
115624_original.jpg

33.
115734_original.jpg

34. Далей у мяне быў своеасаблівы "паход па сінагогах". Горад калісьці, як вядома, быў габрэйскі, там былых сінагог зараз тут захавалася, калі не памыляюся, шэсць штук. І я знайшоў усі! Ад першай сцяна толькі засталася
116089_original.jpg

35. Гэта проста стары дом
116283_original.jpg

36. Другая, і адразу за ёй - трэцяя
116677_original.jpg

37. Яна нават, відавочна, дзейнічае і зараз
116877_original.jpg

38. Чацьвёртую знайшоў у двары
117018_original.jpg

39. Дзе-нідзе архітэктуру сапсуюць, куды ж без гэтага
117344_original.jpg

40. У Іллі Варламава б тут вочы выцяклі
117573_original.jpg

41. З-за крыжа вырашыў, што тут якая-небудзь невялікая царква (ці то пратэстанты, ці то стараверы), але там проста рытуальнае агенства. Хаця мо калі рэлігійны аб'ект там і быў які...
117801_original.jpg

42. Вось гэта дакладна стараверская царква
118043_original.jpg

43. Драўляныя хаткі ў цэнтры горада
118373_original.jpg

44. Яшчэ адну сінагогу перабудавалі-ад'еўрарэмонцілі да непазнавальнасці
118694_original.jpg

Фота шостай у мяне чамусьці не захавалася, але я яе дакладна бачыў

45. Да цягніка заставалася ня так ужо і многа часу, таму паціху пайшоў напросткі да вакзала
119024_original.jpg

46. Гарадскі парк таксама носіць імя В. Дуніна-Марцінкевіча
119185_original.jpg

47. Тут нават ёсць помнік драматургу
119474_original.jpg

48. А там ужо і да вакзала недалёка
119723_original.jpg

Ужо ўначы таго ж дня быў дома. Дзякуй за ўвагу!
Tags: Беларусь, Бобруйск, Могилёвская область, город
Subscribe

Posts from This Journal “Беларусь” Tag

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 7 comments