Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Зімовы ровар: ст.Рэйтанаў-Мядзведзічы-Савейкі-ст.Рэйтанаў

Сезон роварных катанак з нашай баранавіцкай зімой - гэта такая сабе непрадказальная і нестабільная справа. У мінулым годзе я зачыніў яго ў пачатку лютага, а адчыніў у сакавіку. Гэтай жа зімой не катаюся з лістапада, але вось на мінулым тыдні вырашыў, што ўжо ўсё, хопіць, трэба вяртацца. І не казаў б, што ўжо надвор'е катанкам спрыяе - проста засумаваў па загарадных дарогах :)

IMG_5861.JPG

Нядзеля, 3 лютага. Напярэдадні правёў невялічкі загарадны тэст, бо ў снежны перыяд я катаюся рэдка, і вопыту ў зімовым ровары маю нямнога. Праўда, у суботу было каля нуля, дарожкі былі падмерзлыя, і кацілася даволі лёгка (хоць і няхутка, бо гэта ж лёд, кожная спроба павялічыць хуткасць у выніку прыводзіла да падзення - то я пасля другога і кінуў гэтую справу). У нядзелю ж тэмпература была больш плюсавая, дарожкі інтэнсіўна таялі, і ўся мая суботняя падрыхтоўка пайшла лесам. Карацей, я ўжо ведаў, што дзесьці буду ехаць, а дзесьці ісці, бо ў мяне ніякі там не фэтбайк ці якая іншая шайтан-машына, а звычайны тайванеровар з 26мі коламі. Таму і маршрут намаляваў лагодны - смешна казаць, варыянт-мінімум (на выпадак, калі зусім усё будзе дрэнна) складаў каля 25 кіламетраў на 8 гадзін паміж цягнікамі - гэта ж увесь маршрут прайсці пехатою паспець можна! Ну, зіма ж на календары, сотню кіламетраў лупіць няма зачым, гэтым няхай больш дасканалыя раварысты займаюцца.

01. З баранавіцкіх навінаў - ганьба горада ў выглядзе недабудаванага чыгуначнага вакзала і калічнай прывакзальнай плошчы паціху сыходзіць у мінулае. Вось на вуліцы Фралянкова ўжо пераезды для ровараў намалявалі
IMG_5756.JPG

02. Калі на календары люты, на вуліцы адліга, але ты - роварны і чыгуначны наркаман
IMG_5758.JPG

03. Цягніком Баранавічы-Бухлічы на 8.17 пад'ехаў да стартавай кропкі. А стартаваў я са станцыі Рэйтанаў. На фота, канешне, як могуць адразу здагадацца ведаючыя падбаранавіцкую акругу, не мой цягнік, а хуценька падыйшоўшы сустрэчны з Лунінца
IMG_5777.JPG

04. Адразу пайшла падмерзлая жвіроўка. Ураніцы яшчэ падтаяць усё не паспела, таму спачатку кацілася адносна добра, хоць і не хутка. Але за трасай Р43 пачалася ўжо менш лагодная сцежка
IMG_5783.JPG

05. З дарогі бачны касцёл св.Пятра і Паўла (1908 г.п.) у Мядзведзічах
IMG_5786.JPG

06.
IMG_5799.JPG

07. Мядзведзічы
IMG_5800.JPG

08. Хаткі. Хаткі я люблю
IMG_5804.JPG

09.
IMG_5819.JPG

10. Касцёл. Тут я ўжо быў у жніўні, але надта спяшаўся тады на цягнік, таму часу вывучыць вёску не хапіла
IMG_5810.JPG

11.
IMG_5814.JPG

12. Акрамя касцёла ў Мядзведзічах заслугоўвае ўвагі драўляны стары будынак школы, пабудаваны ў пачатку мінулага стагоддзя. Школы тут, як бачна, ўжо няма, але будынак пакуль стаіць, дажывае свой час
IMG_5823.JPG

13.
IMG_5827.JPG

14. Насупраць школы стаіць каталіцкая каплічка 1861 г.п.
IMG_5836.JPG

15.
IMG_5837.JPG

16.
IMG_5844.JPG

17. Еду далей, "скайлайн" Мядзведзічаў
IMG_5846.JPG

18. Зноў пайшла жвіроўка - на адкрытай прасторы падтаяўшая. У жніўні я тут ляцеў як мог, каб паспець на апошні вечаровы цягнік, зараз жа можна было ехаць супакойна і павольна
IMG_5850.JPG

19.
IMG_5852.JPG

20. П.п.Раманоўшчына. Але гэта яшчэ далёка не фініш
IMG_5860.JPG

21. За чыгункай дарога пагоршылася. Гэта на фота яна выглядае нармалёва, на самой справе снег рыхлы, колы правальваюцца, ехаць напэўна хто і зможа, але я пасправабаў - і кінуў гэта, да самога Гайнінца ішоў пехатой
IMG_5863.JPG

22. Тут - закінуты на зіму "гарадок" лецішчаў
IMG_5873.JPG

23. Некаторыя домікі досыць каларытныя
IMG_5880.JPG

24.
IMG_5887.JPG

25. Тут дарогі няма, толькі ледзяная вузкая сцежачка
IMG_5889.JPG

26. Хаткі Гайнінца. Далей можна ехаць ажно да Савейкаў
IMG_5891.JPG

27. Савейкі. Неверагодна крутое месца. Нават не ведаю, чаму я дагэтуль тут не бываў. Адназначна вартая наведвання вёска!
IMG_5901.JPG

Савейкі каму толькі не належалі, але сядзіба мясцовая вядомая менавіта як сядзіба Навіцкіх, хоць і ёсць версія, што пабудаваны сядзібны палац тут яшчэ да таго, як маёнтак перайшоў у рукі гэтага малавядомага роду

28. У савецкія часы тут паставілі помнік нейкаму лысаму барадачу - нават не ведаю, хто гэта такі, беларуская гісторыя такіх барадачоў не ведае :)
IMG_5916.JPG

29. Шыльда
IMG_5918.JPG

30. Зубр
IMG_5919.JPG

31. Палац
IMG_5922.JPG

32. У савецкія часы тут быў санаторый (Удакладненне: спачатку санаторый, а потым - мясцовая амбулаторыя). Гісторыя палаца такая, што ён быў разбураны падчас Другой сусветнай вайны, але потым адноўлены ўжо ў 50-я
IMG_5928.JPG

33.
IMG_5931.JPG

34. З іншага боку
IMG_5933.JPG

35. Пасля закрыцця санаторыяамбулаторыі аб'ект перайшоў у рукі нейкай мінскай фірмы, якая планавала зрабіць тут турыстычны аб'ект, але справа ўжо колькі год стаіць - уладары мо (калі яны яшчэ дагэтуль існуюць) і забыліся пра гэтую сваю маёмасць. А шкада, пакуль што стан будынка знешне такі, што выратаваць і захаваць комплекс можна. На мясцовую ўладу, канешне, разлічваць цяжка - яны з сядзібай Рэйтанаў у Грушаўцы (цікавостка нумар 1 Ляхавіцкага раёна - хоць і больш з гістарычнай, а не архітэктурнай кропкі гледжання) колькі год не могуць нічога распачаць рабіць, хоць размовы аб яго рэстаўрацыі ўжо колькі год ідуць
IMG_5935.JPG

36. Колькасць кіламетраў перайшла за 20 (дадавайце сюды і два сеансы ляснога пешынгу), таму час перакусіць
IMG_5937.JPG

37. Дрэнна бачна (бліжэй з-за снега не падступіцца было), але гэта мішкі п'юць мёд з бочкі. Што звяры, што барадач - спадчына ўжо санаторнага перыяду
IMG_5940.JPG

38. Уздоўж паркавай сажалкі ідзе "вуліца" з камяніцамі. Былы сядзібны жылы будынак
IMG_5944.JPG

39.
IMG_5945.JPG

40.
IMG_5947.JPG

41. І будынак бровара
IMG_5950.JPG

42.
IMG_5952.JPG

43.
IMG_5954.JPG

44.
IMG_5971.JPG

45. Цікава, што суб'ектыўны рэйтынг "Глобуса Беларусі" надае Савейкам усяго трэцюю катэгорыю з чатырох ("убачыць па дарозе"), я б смела даў яму другую (да першай такі гістарычная значнасць і стан не даюць дацягнуць)
IMG_5981.JPG

Абавязкова наведаюся сюды летам, у "зялёны" час тут павінна быць вельмі прыгожа (як і ўвосені: вельмі файныя асеннія фотаздымкі абавязкова паглядзіце ў azarkinm, яна ж і падрабязна распавяла пра гісторыю сядзібы). Дарэчы, за палацам яшчэ была і сетка невялікіх сажалак - не ведаю толькі, у якім яна зараз стане, а крыху за вёскай ёсць капліца-пахавальня; у такое надвор'е не прабрацца было ні туды, ні туда

46. Самотнае дрэва-волат
IMG_5984.JPG

47. Тальмінавічы. Цэнтр калгаса, цэнтр сельсавета, цэнтр цывілізацыі - у такі зімовы час вельмі дэпрэсіўны
IMG_5991.JPG

48. Тыповыя савецкія домікі
IMG_5994.JPG

49. Праграма-мінімум была нават трошкі перавыкананая, а да цягніка заставаліся дзве гадзіны. Падумаў яшчэ паехаць у тую ж Грушаўку і фінішаваць потым альбо ў Ляхавічах, альбо ў Жарабковічах, але жвіроўка з Русінавічаў у Рачканы была такая, што ну яго. На фота яшчэ выглядае не так ужо і дрэнна, але на самой справе там цяжкаватая каша з пяску і вады, ехаць якой хоць і можна, але я ўжо не захацеў. Вернуся лепш у Русінавічы
IMG_5996.JPG

50. Там знайшоў сабе альтанку і сеў даядаць свой абед
IMG_5999.JPG

51. Русінавічы хоць вёска і вялікая, але глядзець там няма на што
IMG_6001.JPG

52. Адліга. У населеных пунктах у такое надвор'е горш за ўсё
IMG_6003.JPG

53. Даядаю бутэрброд з мяскам - і адчуваю, што нешта не так. Павярнуўся - а на мяне (ці не на мяне, а на мяска) глядзяць два вокі
IMG_6006.JPG

54. Станцыя Рэйтанаў. Цягнічок на Лунінец падыйшоў
IMG_6020.JPG

55. Шок-кантэнт - сушу боты ў будынку станцыі. Цягніка чакаць яшчэ гадзіну
IMG_6026.JPG

56. Сонейка выглянула - ужо шчасце. Прачытаў нядаўна, што ўвогуле за лістапад-студзень гэтай зімой у Беларусі было на 20 сонечных дзён меней, чым належыць па кліматычных нормах
IMG_6029.JPG

57. Людзі ў горад пасля выходных паціху збіраюцца. Але цягнік на 16.12 забітым яшчэ не быў, я нават са сваім роварам у салон увапхнуўся - забітымі будуць тыя, што ўвечары пойдуць :)
IMG_6031.JPG

Дзякуй за ўвагу!
Tags: 2019, Беларусь, Ляховичский район, Медведичи, Совейки, вело-2019
Subscribe

Posts from This Journal “Ляховичский район” Tag

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 26 comments