Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Ваўкавыск-Пружаны-Аранчыцы

Пачынаць распавяданне з тэмы надвор'я - хіба нешта можа быць больш банальненька, але што тут рабіць, калі з роварнымі вандроўкамі без гэтага ўвогуле ніяк - тым болей, у самым пачатку сезона. Карацей, снег і лёд за горадам у нас амаль канчаткова патаялі, але ж маразы час ад часу яшчэ завітваюць (асабліва ўначы), таму расслабляцца і супакойвацца ранавата. Суботні дзень 2 сакавіка ўвогуле па прагнозах абяцаў быць (і быў, дарэчы) марозненькім, а да крэпкага такога "мінуса" на градусніку дадаўся яшчэ і досыць моцны паўночна-заходні вецер. Але ж скатацца куды-небудзь усё роўна хацелася, таму я намаляваў сабе напярэдадні трэк з разлікам на рух пераважна з поўначы на поўдзень - і рушыў у дарогу

IMG_6315.JPG


Трэк:


На стартавую кропку ехаў амаль пустым прыгарадным цягнічком Баранавічы-Гродна на 6.14 з Баранавічаў-Цэнтральных. Крыху больш за дзве гадзіны дарогі - і я на станцыі Ваўкавыск-Горад
IMG_6163.JPG

У Ваўквавыску (дарэчы, за колькасцю дакучлівых гаўклівых істотаў яго смела можна было пераймяноўваць у Сабакавыск) адразу рушыў да кропкі, якая засталася тут маім доўгам яшчэ з мінулага раза, бо ў верасні скатацца туды мне не хапала часу - комплекса старых гарадзішчаў на паўднёвай ускраіне горада. Іх тут тры штукі, самае высокае - так званая "Шведская гара", вышынёй каля 30 метраў над навакольнай мясцовасцю
IMG_6166.JPG

Гарадзішча адносіцца да 10-14 стагоддзяў, гэта дзядзінец старажытнага Ваўкавыска

Канешне ж, забраўся наверх
IMG_6169.JPG

Адтуль адкрываецца добрая панарама практычна на ўвесь горад. Хіба што прамзоны на пярэднім плане карцінку псуюць
IMG_6173.JPG

Касцёл святога Вацлава (1846-48 гг.)
IMG_6185.JPG

Шматпавярховая забудова
IMG_6187.JPG

Побач знаходзіцца старое замчышча - месца былога вакольнага сярэдневяковага горада
IMG_6176.JPG

З адваротнага боку - сетка нейкіх азераў і папраўчая калонія №11
IMG_6190.JPG

Яшчэ адно гарадзішча - яго называюць "Муравельнік" - знаходзіцца трошкі на адлегласці ад гэтых двух

Асфальтам еду далей. У Ізабеліне - касцёл св.Пятра і Паўла (1778 г.)
IMG_6204.JPG

IMG_6195.JPG

І праваслаўная царква св.Міхаіла Арханёла (кан.18 ст.)
IMG_6211.JPG

IMG_6215.JPG

Да Мацвееўцаў дарога не самая лепшая, але ў гэтым плане маразы мне ў той дзень, канешне, дапамаглі - усё падтаяўшае вясновае балота на дарогах падмёрзла, таму кацілася збольшага лёгка
IMG_6220.JPG

У Мацвееўцах - файная вуліца старых вясковых хатак
IMG_6228.JPG

А на ўскраіне вёскі - комплекс будынкаў былой сядзібы "Кабылякі". Сядзібны дом не захаваўся, але былых службовых і гаспадарчых будынкаў там шмат
IMG_6230.JPG

IMG_6235.JPG

Падобны комплекс мае і суседняя вёсачка Нізяны. Тут у старых гаспадарчых пабудовах нават людзі зараз жывуць. Шкада толькі, што ранішняе сонца тут стаяла так, што нармалёвыя фотаздымкі ў меня не атрымаліся, нажаль (а да таго ж там і мясцовыя "сінякі" тусаваліся, таму я не стаў на гэтым месцы затрымлівацца)
IMG_6241.JPG

IMG_6243.JPG

"Что ты тут фатагріруйэш?"
IMG_6248.JPG

IMG_6249.JPG

Ваўкавыскае ўзвышша. Па гэтым фотаздымку можна зразумець, чаму вёска Нізянамі завецца
IMG_6253.JPG

Лясной жвіроўкі Н6995 ад Нізянаў да Верусіно (так, націск на апошнім складзе) трошкі пужаўся, бо дарога там яшчэ магла застацца ледзяной - але дарма, на шчасце. Лёд там і праўда быў, але ў невялікай колькасці і добра прысыпаны зямлёй і пылам, таму нават хуткасць можна было амаль не памяншаць
IMG_6264.JPG

У вёсцы Верусіно ад сядзібы толькі бровар застаўся
IMG_6268.JPG

А адтуль асфальтам хутка даехаў да Падароска
IMG_6272.JPG

Падароск - мястэчка сярод беларускіх краязнаўцаў і аматараў гісторыі, вандровак і падарожжаў даволі добра вядомае. Упершыню ўзгадваецца ў 1522 годзе, з 1660 года Падароску было нададзена Магдэбургскае права. У Заходняй Беларусі быў цэнтрам гміны Ваўкавыскага павета, у савецкія часы стаў цэнтрам сельсавета (з паніжэнням статусу паселішча да вёскі). Па дадзеных перапісу насельніцтва 2009 года тут жыло 602 чалавекі

Праедуся цікавосткамі. Траецкая царква (кан.18 ст.), першапачаткова пабудаваная як уніяцкі храм
IMG_6278.JPG

Цэнтр мястэчка
IMG_6280.JPG

Каталіцкі касцёл у 1993 годзе перабудаваны з былога будынка клуба пажарнікаў
IMG_6287.JPG

IMG_6293.JPG

Тут цячэ Зальвянка - у такую пару паўнаводная, але выглядаючая тут не надта прэзентабельна
IMG_6300.JPG

Але вядомы Падароск, канешне ж, дзякуючы свайму палацу-сядзібе (належала спачатку Чачотам, потым Бохвіцам)
IMG_6297.JPG

Сучасныя гаспадары арганізавалі тут рэстаўрацыю і аднаўленне комплекса
IMG_6302.JPG

Таму тэрыторыя сядзібы ўяўляе сабой вялікую будоўлю
IMG_6306.JPG

На ўваходах стаяць шыльды з забаронай увахода/уезда на тэрыторыю, але я іх праігнараваў, канешне ж
IMG_6309.JPG

Кіламетраж ужо пераваліў за 30, таму час паабедаць на лаўцы на беразе сажалкі (зрабіў я гэта, праўда, дарма, бо сама тут патрапіў пад той самы моцны паўночна-заходні вецер - у выніку, перакусіць перакусіў, але замёрз)
IMG_6312.JPG

Панарама мястэчка
IMG_6315.JPG

IMG_6322.JPG

Наколькі я зразумеў, рыбакі - гэта якраз рабочыя з будоўлі сядзібы, бо за той час яны пару разоў паспелі пабегаць паміж лункамі і падсобкай збоку пабудовы. Дый мяне яны дакладна бачылі - то бок, праблемы з заходам на тэрыторыю, відавочна, ніякай няма. Туды, думаю, і мясцовыя ходзяць, бо на беразе возера свінтусы нейкія бутэлек з-пад піва параскідалі (ну а ты паспрабуй не пускаць мясцовых жыхароў на месца, дзе яны звыклі ўжо дзясяткі год вечарамі адпачываць!)
IMG_6324.JPG

IMG_6330.JPG

А вось у Красках усё куды больш сур'ёзна. Там да сядзібы Сегеняў, якая зараз таксама ў прыватнай маёмасці і на рэканструкцыі, не зайсці. Як пішуць у інтэрнэце, некаторым шчасціла патрапіць на ўладара сядзібы, і ён сам праводзіў экскурсію па тэрыторыі
IMG_6332.JPG

Мне ж так не пашансавала, таму я паглядзеў толькі на мосцік праз Зальвянку (у гэтым месцы куды больш маляўнічую, чым у Падароску)
IMG_6334.JPG

І на маляўнічую алею, што вядзе ад вёскі і трасы Н6016 да цэнтральнага ўвахода
IMG_6336.JPG

Дарэчы, калі ехаць дарогай Н6016 далей на поўдзень, то з дарогі будынак усёльткі трошкі з-за дрэваў выглядвае - але летам ён дакладна будзе закрыты лісцем. То бок, лепш вернуся туды ўжо пасля сканчэння рэканструкцыі - пажадаю толькі гаспадару, каб ён яе такі давёў да канца

Яшчэ колькі кіламетраў - і царква св.Ганны (каля 1790 г.) у Задваранах
IMG_6360.JPG

А далей пачалася доўгая-доўгая асфальтавая частка. Некалькі дзесяткаў кіламетраў мне давялося ехаць зусім нядаўна (некалькі год таму) пабудаванай трасай Р98 - гэтая дарога зігзагамі вядзе ад Камянца Брэсцкай вобласці да Свіслачы Гарадзенскай вобласці, абмінаючы межы Белавежскай пушчы. Грошай у гэтую дарогу было ўкладзена многа, адчынялі яе шумна - а на практыцы дарога выявілася мала каму патрэбная і амаль пустая. Машыны тут я сустракаў раз у 15-20 хвілін. Затое якасць асфальту тут надзвычай высокая, а да таго ж краем дарогі ідзе выдатнейшая абочына-веладарожка. Хіба што ў Гарадзенскай вобласці яна пасля сыходу снега яшчэ пачышчана ад бруду не была, але гэта ўжо пытанне часу

Мяняю вобласці. Разам з Гарадзенскай вобласцю неяк рэзка скончылася і Ваўкавыскае ўзвышша - то бок, далей пайшла роўнядзь Берасцейшчыны
IMG_6363.JPG

Барсікі (на самой справе, Барысікі)
IMG_6367.JPG

Далей было Лыскава - файнае і цікавае старое паселішча, вядомае яшчэ з 1504 года. Зараз тут жыве толькі некалькі соцен жыхароў, але паглядзець у вёсцы ёсць на што. Па-першае, гэта Траецкі касцёл (1763-85 гг.). Касцёл не дзеючы, зачынены, паціху скатваючыся ў стан чарговай руіны. Усярэдзіну не патрапіць, усё закалочана - дый не дарма, бо цэглы старой навокал ляжыць вельмі многа
IMG_6382.JPG

IMG_6387.JPG

Магіла польскага паэта (нарадзіўшагася на тэрыторыі сучаснай Украіны, пад Каламыяй) Францішака Карпінскага
IMG_6384.JPG

Насупраць касцёла траса Р98 пару дзясяткаў метраў ідзе старым брукам - уяўляю, як злуюцца на гэтае месца нешматлікія аўтамабілісты; і як яны лаюцца, што на дарогу колькі грошай патрацілі, а ў адзіным месцы асфальт нармалёвы не паклалі. Дый нічога, пацерпяць :) Будынак злева, дарэчы - гэта былы жылы комплекс кляштара місіянераў (да гэтага кляштара належыў і сам касцёл). Не памятаю, што там зараз - нейкая вясковая адміністратыўка, напэўна
IMG_6380.JPG

Засталося ў Лыскаве і трошкі чаго ў памяць аб габрэйскім насельніцтве мястэчка. Да рэшткаў сінагогі не прабрацца, яе нават і знайсці не так проста (злева, у кустах - летам яна ўвогуле не бачная, напэўна)
IMG_6394.JPG

Ажно два месцы былых габрэйскіх могілак
IMG_6396.JPG

Мне ж яшчэ спадабаўся прыгожай формы драўляны праваслаўны храм Нараджэння Багародзіцы (1933 г.)
IMG_6407.JPG

IMG_6408.JPG

А яшчэ ў Лыскаве ёсць каталіцкая капліца на могілках, яшчэ трошкі якой даўніны і рэшткі гарадзішча недзе за вёскай. Я ж пакаціў далей на поўдзень

Тут пачынаецца Белавежская Пушча. Ну як пачынаецца - дарога некаторы часы ідзе афіцыйнай мяжой нацыянальнага парка, але лес амаль заўсёды з абодвух бакоў трасы. Мясцовасць малалюдная, машын зусім мала, цішыня!
IMG_6411.JPG

Лес
IMG_6415.JPG

Шыкоўная дарога, можна за якую-небудзь Швецыю ці Канаду фотаздымкі адсюль выдаваць. Хлопцам на шашавых ці гібрыдных роварах тут будзе хуткаснае шчасце
IMG_6417.JPG

Канава
IMG_6421.JPG

Прыпыніла мяне кабета на іншамарцы - памылкова паехала яна гэтай дарогай з Брэсцкай вобласці на Гарадзенскую (а калі зазірнуць на мапу, то адразу стане зразумела, што для аўтатранзіта траса гэтая за сваімі зігзагамі не падыходзіць крыху менш чым цалкам), але зразумела, што нешта тут не так. Прыйшлося тлумачыць ёй, як адсюль выбрацца (спадзяюся, Іванам Сусанінім я ў мінулым жыцці не быў, і жанчына з маімі парадамі такі дабралася да фінішнай кропкі; там і не надта цяжка было)

Выехаў з Пушчы, нарэшце. Гэта ў нас каналізаваная Ясельда. А за Ясельдай ужо павярнуў з трасы Р98 у бок Пружанаў
IMG_20190302_152903.JPG

Удалечыні бачная Пакроўская царква ў Рудніках (кан.19 ст.). Туды таксама планаваў зазірнуць, але дарога ў той бок была зусім дрэнная, і пад канец маршрута ехаць ёй ужо не захацелася
IMG_6426.JPG

Пружаны. Невялікі райцэнтр Брэсцкай вобласці, насельніцтвам каля 18 тысяч чалавек. Вядомы з 1487 года як Дабучын. Звычайны ціхі ўтульны дажынкізаваны (рэспубліканскія "Дажынкі" тут былі ў 2003 годзе) гарадок
IMG_6428.JPG

Галоўная цікавостка горада - т.зв. "Пружанскі Палацык", адноўлены сядзібны будынак Швыкоўскіх (19 ст.)
IMG_6429.JPG

Касцёл Узнесення Дзевы Марыі (1878-83 гг.)
IMG_6431.JPG

У Пружанах знаходзіцца месца пачатку ракі Мухавец - тут рэчкі-каналы Муха і Вец (як банальна, ці не так?) аб'ядноўваюцца ў адзін струмень і далей бягуць адной ракой. Пераблытаць не складана - Муха выцякае з-пад левага маста, Вец на фотаздымку бачны з правага боку
IMG_6433.JPG

А гэта ўжо Мухавец, фота з таго ж маста, але ў супрацьлеглы бок
IMG_6436.JPG

У Пружанах ёсць колькі старых будынкаў
IMG_6454.JPG

IMG_6447.JPG

Мінулыя назвы адной з галоўных вуліц горада (Рыгор Шырма, калі што - вядомы беларускі фалькларыст, краязнавец і публічны дзеяч, ён нарадзіўся недалёка ад Пружанаў)
IMG_6456.JPG

Злева - будынак гандлёвых радоў (1896 г.)
IMG_6450.JPG

Сабор Аляксандра Неўскага (1866-80 гг.)
IMG_6462.JPG

Тут я пабачыў, што магу паспець на больш раннюю электрычку, чым планаваў, таму затрымлівацца ў Пружанах больш не стаў
IMG_6466.JPG

Далей быў вельмі хуткасны заезд да Аранчыцаў, на вакзал прыехаў нават хвілін на 15 раней з цягнік (а ляцеў жа, баючыся, што не паспею!)
IMG_20190302_182346.JPG

Ну вось так вось, першая "стакіламетроўка" сезона, хоць і збольшага асфальтам, можна і самога сябе павіншаваць :) Дзякуй за ўвагу!
Tags: 2019, Беларусь, Беловежская Пуща, Брестская область, Волковысск, Волковысская возвышенность, Волковысский район, Гродненская область, Изабелин, Лысково, Матвеевцы, Мухавец, Низяны, Подороск, Пружанский район, Пружаны, Ясельда, вело-2019
Subscribe

Posts from This Journal “Гродненская область” Tag

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 19 comments