Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Слонім-Дзятлава-п.п.Клішавічы

Яшчэ адна роварная вандроўка, што адбылася ў нядзелю 17 сакавіка. Паколькі напярэдадні ўвесь дзень з перапынкамі ішоў дождж, то гэтым разам абраў маршрут асфальтавымі і жвіровымі дарогамі, не жадаючы мясіць бруд палявых і лясных грунтовак (праўда, забягаючы наперад, за ноч і раніцу ўсё паспела падсохнуць, таму нават жвіроўкі, якіх напярэдадні пужаўся, выявіліся сухімі і лагоднымі)

IMG_6911.JPG



Трэк:


Як і на мінулым тыдні, вырашыў зноў "звязаць" сваім маршрутам ваўкавыскі і лідскі напрамкі Баранавіцкага чыгуначнага вузла, толькі з большым кіламетражам. Стартаваў дызелем Баранавічы-Гродна на 6.14 з Баранавічаў-Цэнтральных, які амаль за гадзіну давёз мяне да Слоніма
IMG_6707.JPG

Паколькі хацелася спаць, прыйшлося ў вакзальнай краме набываць гэтую гадасць (хоць звычайна я энергетычныя напоі не ўжываю), закусіўшы яе шакаладкай - даволі смачнай, дарэчы
IMG_6712.JPG

Слонім, як я ўжо пісаў тут не раз, з турыстычнай кропкі гледжання - мой другі любы беларускі горад пасля Пінска, таму я абавязкова хуценька якім ужо разам пракаціўся яго цікавосткамі. Гэта ў нас каналізаваная Шчара
IMG_6730.JPG

Слонімская Ратуша; напэўна, з усіх захаваўшыхся на Беларусі будынкаў ратуш (а іх нямнога, калі што) яна - самага "нератушнага" выгляду
IMG_6734.JPG

Касцёл бернардзінцаў (ажно 1639-45 гг. пабудовы). Зараз належыць праваслаўнай царкве, і падчас нядаўнай рэстаўрацыі яму на "галаву" звычайна ж пасадзілі тыповую "цыбуліну"

IMG_6741.JPG

Слонімскі драматычны тэатр (так, у 50-тысячным Слоніме ёсць свой тэатр). Будынак калісьці першапачаткова будаваўся як сінагога, але ў габрэйскай суполкі фінансаў на сканчэнне будаўніцтва не хапала, таму дабудоўваў яго ўжо горад - тут у пачатку мінулага стагоддзя быў народны дом. Пазней пэўны час будынак быў часткова разбураны
IMG_6746.JPG

IMG_6749.JPG

У годы Агінскага мясцовы тэатр ставіў самыя модныя і свежыя пастановы. Зараз жа... Ну ладна, мастацтва для дзетак таксама патрэбнае :)
IMG_6750.JPG

Слонім, па шчырасці, гарадок даволі супярэчлівы. Старая забудова ў цэнтры на плошчы Леніна (гістарычная назва - Рынак; на днях на сайце мясцовай газеты запусцілі галасаванку за перайменаванне плошчы ў Тэатральную, на якую адразу накідалі спасылак як "незалежніцкія", так і "пра-ўсходнія" СМІ - у выніку, галасаванка на сайце газеткі 50-тысячнага з невялікай наведвальнасцю сабрала каля васьмі тысяч галасоў, і арганізатары спынілі яе пры невялікай перавазе варыянта з захаваннем старой назвы плошчы) папсаваная кіслотнымі фарбамі і "смеццевымі" шыльдамі крамаў

IMG_6753.JPG

IMG_6760.JPG

IMG_6761.JPG

Я накіраваўся на традыцыйную панарамную кропку на паўднёвым захадзе ад цэнтра горада, але гэтай раніцай краявідаў адтуль, канешне ж, не было - спачатку туман ледзь-ледзь даваў зроку "дабіць" да былога касцёла бернардынцаў
IMG_6768.JPG

Крышачку пазней сталі бачныя і астатнія гарадскія храмы. Даліну Шчары і Ісы і ўзгоркі на гарызонце трэба дамалёўваць самім
IMG_6776.JPG

Вось як панарама адсюль (так, крыху ў іншы бок) выглядала ўвосені


Туман, канешне, паціху адыходзіў - але часу чакаць не было, і так патраціў на Слонім больш часу чым планаваў. Будынак сінагогі працягвае развальвацца
IMG_6778.JPG

Касцёл кляштара бернардзінак (1664-70 гг.)
IMG_6788.JPG

Ленін паказвае дарогу да храма :)
IMG_6796.JPG

Ніякага гумару тых, хто ставіў помнік, тут няма - Спаса-Пераўтварэнскі сабор пабудаваны тут нядаўна, на месцы старога зруйнаванага храма, у 1994-2005 гг. У 90я гады беларусы яшчэ ўмелі будаваць, культавыя будынкі таго перыяду звычайна выглядаюць досыць цікава і я ўпэўнены, што праз некалькі дзясяткаў год будуць лічыцца добрай старой архітэктурай. І куды гэта ўсё дзелася за 10-20 год?
IMG_6798.JPG

Шчыра, калі б не ведаў гады пабудовы сабора, то лічыў бы, што гэта якая-небудзь стогадовая цікавостка - трошкі аблупленыя сцены нават і дапамагаюць так думаць :)
IMG_6799.JPG

Выяўленчае мастацтва ў стылі "мінімалізм" ад Белпошты
IMG_6806.JPG

Тэатр Агінскага ў тыя часы быў дзесьці тут, на беразе Шчары. Зараз жа на гэтым месцы выступаюць, відавочна, калектывы некалькі іншага мастацкага ўзроўня
IMG_6807.JPG

Трошкі мастацкага афармлення гарадскога парка на беразе Шчары. Такі вось карабель, з абавязковай жоўценькай шыльдай (гэта Беларусь, дзетка!) ззаду, абяцаючай страшэнныя пакаранні таму, хто залезе на карабель (прычым, ён ужо зроблены з лаўкамі для сядзення ўсярэдзіне)
IMG_6810.JPG

Шчара (а вы мне паверыце, што бабулька ў сінім у правай частцы фотаздымка перад гэтым круцілася ў гэтым парку на трэнажоры?)
IMG_6813.JPG

IMG_6820.JPG

А гэта ўжо цякучае побач старое рэчышча Шчары. Звычайна яно слабапраточнае, але ў паводку трошкі падобнае на сапраўдную рэчку
IMG_6825.JPG

Усё, хопіць Слоніма. Здаецца, непафотканага тут і не выкладзенага сюды ў мяне нічога ўжо не засталося

За Слонімам быў досыць доўгі пад'ём ад даліны Шчары да навакольных узгоркаў. Асфальт тут дастаткова добры, а машын ураніцы амаль не было
IMG_6830.JPG

Сумныя цікавосткі
IMG_6835.JPG

IMG_6837.JPG

IMG_6845.JPG

Хуценька даехаў да Дзераўной, дзе ўжо быў тыдзень таму

Шыльда на ўездзе ў Дзераўную. Як бачна ў левым верхнім вуглу, тут таксама нешта праспансавана Эўрасаюзам. Мазгоў тым жа, хто сапсаваў мясцовую стогадовую царкву (глядзі папярэдні артыкул), нажаль, Эўрасаюз праспансаваць не паспеў
IMG_6848.JPG

Усё тая ж традыцыйная беларуская вясковая сажалка, з традыцыйным сталым рыбаком; а рыбак - са спрадвечнымі для беларускіх вяскоўцаў пытаннямі: "Што ты тут фатаграфіруйэш? Шпіён ці проста так, дзелаць няма чаго?" :)
IMG_6849.JPG

Скатаўся да альтанкі, альтанка зачыненая
IMG_6853.JPG

Мясцовае гарадзішча "Старажавая гара" трошкі за вёсачкай. Прычым, тыдзень таму я праехаў зусім побач з ім (вунь той жвіроўкай, што ў правай частцы фотаздымка бачная), нават не задумаўшыся, што гэта за незвычайны ўзгорак такі пасярод поля - толькі потым ужо даведаўся
IMG_6862.JPG

Далей быў яшчэ адзін перагон - да Казлоўшчыны. Кіламетраў на пяць тут нават была жвіровачка - але досыць лагодная. Тут жа і памяняў раён - далей да самога фініша буду я ехаць Дзятлаўшчынай
IMG_6864.JPG

IMG_6868.JPG

Больш чым стогадовая царква Узвіжання Крыжа ў Вайневічах была сюрпрызам - падчас падрыхтоўкі маршрута я яе нейкім чынам прапусціў. Добра, што дарога перад вёскай праходзіла ўзгоркамі, а сама царква трошкі ў нізіне - дзякуючы таму я яе і пабачыў за дрэвамі
IMG_6874.JPG

IMG_6881.JPG

Камень нехта ля дарогі кінуў
IMG_6883.JPG

Наступная кропка - касцёл Сэрца Іісуса (1822 г.) ў Нянадавічах
IMG_6885.JPG

IMG_6894.JPG

Ян Павел Другі
IMG_6892.JPG

Тут мне пашчасціла патрапіць на якраз збіраўшагася ад'язджаць (пасля нядзельнай імшы, відавочна) ксёндза, таму я пабываў і ўсярэдзіне
IMG_6896.JPG

IMG_6898.JPG

А ўжо хутка прыехаў у Казлоўшчыну. Тут я больш-менш падрабязна палазіў у мінулым годзе, таму многа часу на мястэчка траціць не стаў
IMG_6899.JPG

Сядзіба "Падол". Нічога за год не памянялася, канешне ж
IMG_6901.JPG

Маршрут пераваліў за 40 кіламетраў, таму тут я перакусіў, прысеўшы на школьным стадыёне. Дарэчы, менавіта ў Казлоўшчыне патрапіў пад невялічкі дождж
IMG_6905.JPG

А далей - зноў жвіровачка. Дарэчы, на гарызонце калісьці зусім нядаўна быў будынак сядзібы "Урбаноўшчына", але цяпер там бачная новая пабудова лякарні
IMG_6908.JPG

Яшчэ колькі кіламетраў - і я ў Явары
IMG_6911.JPG

Напэўна, немагчыма павандраваць вёскамі Наваградскага ўзвышша (якое дзесьці тут спалучаецца са Слонімскім) і не патрапіць дзе-нідзе на вясковую брукаванку
IMG_6913.JPG

Тыповыя ранневясновыя беларускія краявіды
IMG_6914.JPG

Царква Нараджэння Багародзіцы (1926 г.) у Явары
IMG_6921.JPG

Тут таксама выпадкова патрапіў на святара, пабываў усярэдзіне (праўда, моманту фатаграфавання ён не бачыў), атрымаў некалькі буклецікаў і запрашэнне прыехаць сюды зноў на свята... Карацей, жадаеце трапляць усярэдзіну вясковых храмаў - вандруйце ў нядзелю ўраніцы
IMG_6923.JPG

IMG_6926.JPG

Яшчэ на ўскраіне вёсачкі калісьці быў будынак вадзянога млына, але цяпер тут пуста. Мінус яшчэ адна цікавостка на турыстычных мапах Беларусі
IMG_6927.JPG

Палазіўшы ў траве, знайшоў рэшткі падмурку
IMG_6929.JPG

Сумнае вадасховішча на рэчцы Пад'яварцы
IMG_6935.JPG

Чарговая царква - св.Пятра і Паўла (1825 г.) у Вензаўцы
IMG_6939.JPG

Да Дзятлава прыйшлося ехаць трасай М11. Тут ужо сапраўдныя велічныя ўзгоркі, адсюль нават бачныя наваградскія вятракі
IMG_6945.JPG

Праехаўся і самім Дзятлавым. У Дзятлаве быў раней толькі наскокам і ў цэнтры, таму гэтым разам горад вывучаў больш дасканала. Вось, напрыклад, палац Радзівілаў (18 ст.), знаходзячыся на тэрыторыі раённай лякарні
IMG_6953.JPG

Старая (таксама 18 ст.) і новая царквы ў адным кадры
IMG_6970.JPG

Маднявы і трошкі для Беларусі незвычайны будынак выканкама
IMG_6971.JPG

Птушачкі
IMG_6975.JPG

Помнік "Беларускаму Сусаніну" Іосіфу Філідовічу - падчас Другой сусветнай непадалёк адсюль ён завёў нямецкіх карнікаў замест ляснога партызанскага шпіталя ў балоты Ліпічанскай Пушчы
IMG_6978.JPG

IMG_6986.JPG

IMG_6992.JPG

Трошкі каталіцкай матывацыі
IMG_6995.JPG

Раённы Дом культуры
IMG_6999.JPG

Усё, можна ехаць да чыгункі. Вядомы ў вузкіх кругах стары мост праз рэчку Моўчадзь
IMG_7001.JPG

(не, у майго ровара сінія фарбы не злезлі, гэта такія наступствы барацьбы з дапамогай Лайтрума з надзвычай гадкай штукай, званай "храматычнымі аберацыямі", і заўважыў я гэта занадта позна)
IMG_7005.JPG

Рэчка Моўчадзь
IMG_7009.JPG

А гэта ўжо Клішавічы
IMG_7012.JPG

Тут і фінішаваў
IMG_7014.JPG

Яшчэ і гадзіну цягніка на 17.18 чакаў
IMG_7020.JPG

Дзякуй за ўвагу!
Tags: 2019, Беларусь, Вензовец, Войневичи, Гродненская область, Деревная, Дятлово, Дятловский район, Клишевичи, Козловщина, Молчадь, Ненадовичи, Подъяворка, Слоним, Слонимский район, Щара, Явор, вело-2019
Subscribe

Posts from This Journal “Гродненская область” Tag

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 5 comments