Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Паўднёвымі ваколіцамі Капыля і Клецка, ч.1 - Цімкавічы-Ёдчыцы-Заастравечча

Водпуск - гэта такая файная рэч, падчас якой у будны дзень, калі ўсё прагрэсіўнае насельніцтва краіны спяшаецца на працу, ты можаш супакойна сабраць свой заплечнік і з роварам накіравацца ў бок вакзалу, каб абкатаць які-небудзь чарговы цікавы маршруцік. Так у панядзелак 20 траўня я вырашыў праехаць трэк, асноўныя рысы якога былі пазначаныя мной ужо даўно. Гэта быў даволі насычаны маршрут цікавосткамі Капыльскага, Клецкага і Ляхавіцкага раёнаў, ляжачымі на поўдзень ад невысокіх, але часам даволі маляўнічых узгоркаў Капыльскай грады. Паколькі навокал была раўніна, а вялікіх рэкаў там няма (бо водападзел побач), то краявідаў будзе нямнога - вандроўка была збольшага арыентаваная на архітэктурныя цікавосткі, якіх там нямала. А паколькі фотачак з паездкі сабралася даволі многа, то справаздачу я падзяліў на дзве невялікія часткі

IMG_8525.jpg

Трэк паездкі:


Стартаваў прыгарадным дызелем Баранавічы-Слуцк адпраўленнем на 7.40. У 9.13 быў у Цімкавічах
IMG_8426.jpg

Цімкавічы ўжо былі вывучаныя мной два гады таму падчас роварнай паездкі ў Капыль і Грозава, таму гэтым разам затрымлівацца тут не стаў, проста праехаўшы праз вёску на паўднёвы-захад. З пабачаных зменаў - "адэўрарамонцілі" браму-званіцу каля мясцовай царквы
IMG_8433.jpg

Першыя кіламетры паездкі былі цяжкія, бо ехаў супраць моцнага паўднёва-ўсходняга ветру. Недалёка ад Цімкавічаў - вёска Лешня з царквой св.Георгія (пач.ХХ ст.)
IMG_8440.jpg

Рэчка Мажа (прыток Морачы, басейн Прыпяці і, адпаведна, Дняпра) ў ваколіцах вёскі Кіявічы
IMG_8444.jpg

IMG_8451.jpg

А на могілках ў Кіявічах - Узнесенская царква (1882 г.п.), перажываючая зараз нялёгкі перыяд рэстаўрацыі
IMG_8457.jpg

У вёсцы Сямежава. Ужо потым я даведаўся, што дзесьці побач з гэтым будынкам павінен быць мемарыяльны крыж удзельнікам Слуцкага паўстання 1920 г., але ў падрыхтоўцы да паездкі я гэты момант прапусціў
IMG_8462.jpg

Вёска (на беларускім канцылярскім "новоязе" падобныя населеныя пункты называюць "аграгарадкамі") жыла сваім жыццём
IMG_8469.jpg

Пасля Сямежава я павярнуў на захад, вецер цяпер дзьмуў трошкі збоку і ў спіну, таму ехалася значна лягчэй. На гарызонце на паўднёвым захадзе прайшла вялікая і цёмная хмара, але мяне яна, на шчасце, не зачапіла, прайшоўшы міма (а вось Баранавічы ў той дзень добранька заліла)
IMG_8473.jpg

Чырвоная Дубрава (у гістарычных крыніцах вядомая з 16 стагоддзя як Макраны)
IMG_8483.jpg

Тут мяне чакаў сюрпрыз у выглядзе руінаў царквы св.Георгія (1866 г.), пра якую я не ведаў і якую падчас падрыхтоўкі да паездкі таксама прапусціў. А яшчэ дзесьці ў вёсцы, як выявілася потым, ёсць рэшткі (будынак былога малочнага завода, парк і пахавальня) сядзібы Вайніловічаў "Макраны"
IMG_8487.jpg

IMG_8494.jpg

Файненькай грунтовай дарогай прыехаў у Кунцаўшчыну. Там можна пабачыць рэшткі яшчэ адной сядзібы Вайніловічаў
IMG_8501.jpg

А таксама - маленькую драўляную вясковую царкву Казанскай іконы Божай Маці (19 ст.)
IMG_8509.jpg

IMG_8504.jpg

Ад Кунцаўшчыны да суседняй кропкі трэку, вёскі Урведзь, можна было праехаць на захад некалькі кіламетраў файным асфальтам, але ж мне належала зрабіць круг на поўнач
IMG_8507.jpg

Рапсавыя палі
IMG_8511.jpg

Вёска Лазавічы
IMG_8514.jpg

Трэк прывёў мяне ў Ёдчыцы, дзе знайшлася брукаваная вуліца, што ідзе праз усю вёску
IMG_8516.jpg

IMG_8519.jpg

Сюды я ехаў дзеля таго, каб пабачыць драўляную Пакроўскую царкву (сяр. 19 ст.), што знаходзіцца на заходнім краі вёскі
IMG_8525.jpg

Каля царквы можна і ў баскетбол пагуляць, як бачыце
IMG_8522.jpg

У трэці (і не апошні) раз гэтым днём перасёкшы трасу Р43, вяртаюся на поўдзень. З Ёдчыцаў да Урведзі прыйшлося ехаць мясцовымі дарожкамі...
IMG_8534.jpg

IMG_8537.jpg

...якія раптам проста скончыліся
IMG_8539.jpg

Прыйшлося прабірацца рапсавым полем
IMG_8544.jpg

Былая дарога, якой я спрабаваў ехаць, але яна хутка выявілася зарослай, таму праз поле каціць і ісці было ўсё роўна значна прасцей
IMG_8547.jpg

І ўсё гэта - дзеля таго, каб у Урведзі здалёк (прабрацца бліжэй праз распаханае поле мо і можна было, але надта шкада часу і абутку) пабачыць рэшткі ветрака
IMG_8555.jpg

Комлеўшчына
IMG_8563.jpg

Тут знаходзяцца рэшткі драўлянай царквы 19 стагоддзя
IMG_8566.jpg

Сумнае месца
IMG_8567.jpg

Ніхто яе аднаўляць, канешне ж, ужо не будзе
IMG_8570.jpg

IMG_8573.jpg

IMG_8572.jpg

Тым болей, царква ёсць ў недалёкім адсюль Заастравеччы. Тутэйшы храм св.Дыянісія (1933 г.) прыбралі ў сайдынг, таму асаблівай цікавасці ён ужо не мае; я нават падбірацца бліжэй да яго часу пашкадаваў, проста зфатаграфаваўшы здалёк праз двары
IMG_8576.jpg

Заастравечча было прыкладна пасярэдзіне майго маршруту, таму на гэтым месцы зраблю паўзу і пра астатнія пяць дзясяткаў кіламетраў распавяду наступным разам

Дзякуй за ўвагу!
Tags: Беларусь, Заостровечье, Иодчицы, Киевичи, Клецкий район, Комлевщина, Копыльский район, Кунцевщина, Лешня, Мажа, Минская область, Семежево, Тимковичи, Урведь, Чирвоная Дубрава, вело-2019
Subscribe

Posts from This Journal “Минская область” Tag

promo elgatomarinero7 august 15, 11:30 4
Buy for 10 tokens
Гэтым разам я распавяду вам пра сапраўды спякотную і летнюю (хоць каляндарна яна і адбылася 23 траўня - але травень у гэтым годзе атрымаўся, напэўна, больш летні за які-небудзь ліпень) вандроўку паўночна-заходнімі раёнамі. Стартаваў на станцыі Гаўя ў ваколіцах Іўя, праехаў на поўдзень у бок…
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 7 comments