Ciclista Pablo Elgatomarinero (elgatomarinero7) wrote,
Ciclista Pablo Elgatomarinero
elgatomarinero7

Паўднёвымі ваколіцамі Капыля і Клецка, ч.2 - Нагорнае-Жарабковічы

Паўднёвымі ваколіцамі Капыля і Клецка, ч.1 - Цімкавічы-Ёдчыцы-Заастравечча

Пасля Заастравечча я зноў рэзка змяніў напрамак руху, далей ужо да фінішу рухаючыся пераважна ў паўночна-заходні бок. Цяпер моцны вецер таго дня амаль увесь час падганяў мяне ў спіну, а дарогі хоць збольшага і былі неасфальтавымі, але ўжо больш не знікалі ў глухім полі. Другая палова маршруту прайшла праз пяць старых сядзіб рознага ўзроўню захаванасці

IMG_8608.jpg

Але спачатку была вёска-мястэчка Нагорнае з файным і брутальным Крыжаўзвіжанскім касцёлам (1933-36 г.п.)
IMG_8582.jpg

А на праваслаўных могілках тут ёсць і ўкатаная ці то пад сайдынг, ці той пад нешта іншае драўляная Спаса-Пераўтварэнская царква, якую з-за дрэваў і магіл і не сфатаграфаваць нармалёва
IMG_8590.jpg

Трошкі затаварыўшыся ў прыдарожнай краме на трасе Р43, я прыехаў у знаходзячуюся зусім побач Цясноўку, дзе знаходзяцца руіны сядзібы Лабецкіх "Пласкавічы". Сядзібны дом тут у зусім дрэнным стане (на фотаздымках яшчэ пяцігадовай даўніны, дарэчы, ён выглядае яшчэ не так жудасна)
IMG_8594.jpg

Яшчэ адна цікавостка, якой жыць засталося зусім нядоўга
IMG_8595.jpg

Флігель яшчэ трымаецца патроху
IMG_8600.jpg

На тэрыторыі сядзібы знаходзяцца будынкі нейкай навучальнай ўстановы, якія таксама выглядаюць зачыненымі і закінутымі
IMG_8606.jpg

Знаходзячаяся зусім недалёка адсюль Чырвоная Зорка калісьці, да камунізацыі назвы, зваліся Радзівілімонтамі - і з гэтай назвы зразумела, чыя сядзіба была тут. Былая яе тэрыторыя, зараз занятая вёскай-аграгарадком, аграмадная; яшчэ далёка ад палаца турыста тут сустракаюць паркавыя сажалкі і каналы
IMG_8612.jpg

У былых службовых пабудовах і сёння жывуць людзі
IMG_8622.jpg

У савецкія часы тут быў, відавочна, санаторый, але і ён зараз закінуты
IMG_8623.jpg

Пракаціўшыся паркам, я так і не знайшоў нічога, што нагадвала б велічна выглядаючы на адносна старых фотаздымках нават у выглядзе руінаў палац Радзівілаў і толькі па дарозе назад наткнуўся вось на гэты дэстрой
IMG_8625.jpg

Відавочна, гэта ўсё, што засталося ад палаца. А яшчэ на фотаздымках 2006 (і нават 2017) года тут нават калоны стаяць

IMG_8629.jpg

Сядзіба Бжазоўскіх ў Янавічах выглядае больш аптымістычна - нават хтосьці металічны дах зрабіў, як бачыце. Сучасны металічны дах на такіх аб'ектах - гэта, канешне ж, таксама добрае лайно, але ў параўнанні з тым, што я пабачыў на папярэдніх дзвюх маршрутных кропках, можна нават і згадзіцца з тым, што хай дом хоць і так, але жыве
IMG_8634.jpg

IMG_8639.jpg

І яшчэ адна старая сядзіба - літаральна праз дарогу, у вёсцы Стралкова

IMG_8647.jpg

IMG_8640.jpg

IMG_8650.jpg

Краявіды
IMG_8657.jpg

IMG_8652.jpg

Клецк на гарызонце
IMG_8654.jpg

Далей быў доўгі, больш чым на 20 кіламетраў, пераезд мясцовымі дарогамі да Начы. На фота, відавочна, наступствы той непагоды, што ўраніцы мяне паспяхова абмінула
IMG_8660.jpg

IMG_8661.jpg

Нават не памятаю ўжо, што гэта за населены пункт на гарызонце - мо і той жа Клецк, бо да Ляхавічаў яшчэ далёка, а больш ніякіх гарадкоў у тых мясцінах няма
IMG_8663.jpg

Дарогі
IMG_8670.jpg

Палі
IMG_8671.jpg

Сажалкі
IMG_8674.jpg

Прыехаў нарэшце ў Начу. Тут знаходзіцца былая сядзіба Чарноўскіх "Нача Брындзоўская". Гэтай сядзібе пашанцавала, напэўна, трошкі больш, чым папярэднім, бо галоўны будынак мясцовы калгас прыстасаваў на свой лад пад нейкае прамысловае памяшканне. Гэта сапсавала яго знешні выгляд, але хаця б палац дажыў да нашага часу
IMG_8680.jpg

IMG_8678.jpg

Побач - прамысловыя будынкі
IMG_8683.jpg

І вялікі парк з камарынымі хмарамі
IMG_8685.jpg

Бровар
IMG_8686.jpg

Проста закінуты домік
IMG_8688.jpg

Ад Начы першапачаткова планаваў ехаць на паўднёвы захад, каб праінспектаваць на прадмет зменаў (хаця што там змянілася за год, самому смешна) знакамітую сядзібу Рэйтанаў у Грушаўцы і фінішаваць на станцыі Рэйтанаў, але праз тое лазанне полем за Ёдчыцамі згубіў шмат запланаванага часу, таму мог ужо і не паспець на перадапошні вечаровы лунінецкі цягнік (чакаць жа некалькі гадзін апошняга зусім не хацелася). Ну ды й ладна - усё роўна, Грушаўка знаходзіцца на адлегласці вечаровай катанкі ад майго дому, таму можна скатацца туды іншым разам. Зараз жа пад'ехаў трошкі на поўнач, у Жарабковічы, дзе ў 19.20 сеў на вечаровы цягнік Слуцк-Баранавічы
IMG_8691.jpg

Пасля гэтай вандроўкі магу афіцыйна казаць, што ненавіжу пах рапсу, як бы прыгожанька ў траўні палі гэтай расліны ні выглядалі
IMG_8694.jpg

Дзякуй за ўвагу!
Tags: Беларусь, Брестская область, Клецкий район, Красная Звезда, Ляховичский район, Минская область, Нагорное, Нача, Стралково, Тесновка, Яновичи, вело-2019
Subscribe

Posts from This Journal “Минская область” Tag

promo elgatomarinero7 august 15, 11:30 4
Buy for 10 tokens
Гэтым разам я распавяду вам пра сапраўды спякотную і летнюю (хоць каляндарна яна і адбылася 23 траўня - але травень у гэтым годзе атрымаўся, напэўна, больш летні за які-небудзь ліпень) вандроўку паўночна-заходнімі раёнамі. Стартаваў на станцыі Гаўя ў ваколіцах Іўя, праехаў на поўдзень у бок…
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 4 comments